Свет
(Видео) Први апсења поради трагедијата на крвавата венчавка во Ирак
Директорот на Одделот за односи и информации при Министерството за внатрешни работи на Ирак, Саад Маан, денеска изјави дека се уапсени девет лица, кои биле вработени во салата за свадбени веселби, во која загинале над 100 лица, а 150 лица се повредени во оганот.
Маан рече дека ќе издаде налози за апсење за уште четворица вработени, објави Би-би-си. Тој посочи дека причините за трагедијата се „недостиг на здравствени и безбедносни мерки, запаливи материјали што се користеле во градбата и очигледно огномет организиран во затворен простор“.
Iraq- At least 100 people have died and 150 others injured after a fire broke out at a wedding in northern Iraq🥲
Early reports say it broke out after fireworks were lit.-BBC #IraqWeddingFire #Pray #RIP 🙏pic.twitter.com/FR7IjelZji— Sri Lanka Tweet 🇱🇰 (@SriLankaTweet) September 27, 2023
Ирачкиот премиер Мохамед Шија ал-Судани прогласи тридневна национална жалост.
Бројот на жртви сè уште не е потврден, но државната агенција ИНА претходно објави дека најмалку 100 луѓе загинале, а 150 се повредени. Спасувачките екипи продолжуваат со потрагата по преживеани по пожарот што избувна доцна синоќа.
Мисијата на ОН за помош на Ирак на платформата Х објави дека е шокирана од огромниот број жртви и повредени во пожарот.
#BREAKING #Iraq One hundred people were killed at a wedding in a fire in northern Iraq, and another 150 were injured. pic.twitter.com/MXXEB8VAt6
— The National Independent (@NationalIndNews) September 26, 2023
„Голема трагедија. Искрено сочувство до семејствата што ги загубија своите најблиски. На повредените им посакуваме брзо закрепнување“, се вели во соопштението.
Стотици луѓе присуствуваа на свадба во Ал-Хамданија во провинцијата Ниневија во северен Ирак кога доцна синоќа избувна пожар и го зафати местото каде што се одржуваше прославата.
Во првите извештаи на ирачките медиуми се наведува дека во пожарот загинале и младенците, но подоцна агенцијата „Нина“ објави дека тие преживеале, но се лекуваат од изгореници.
🚨 BREAKING: More than 500 injured, 100 killed in wedding hall fire in Iraq. pic.twitter.com/GnHCXjtehG
— {Matt} $XRPatriot (@matttttt187) September 27, 2023
„Пожарот предизвика уривање на делови од салата за славење бидејќи беше изградена со многу запаливи, евтини градежни материјали, кои се урнаа за неколку минути по пожарот“, соопшти ирачката Управа за цивилна одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

