Свет
(Видео) Први снимки од нападот во Прага: луѓето панично бегаат, напаѓачот со пушка на покривот

Чешката полиција денеска соопшти дека на Филозофскиот факултет на Карловиот универзитет на плоштадот Јан Плах во Прага се случило пукање во кое има мртви и десетици ранети, а напаѓачот е убиен.
Напаѓачот е убиен, целата зграда е евакуирана, а десетици се повредени, соопшти полицијата во најновата објава на платформата „Икс“.
Според последните информации загинале најмалку 10 лица, а повредени се 24.
Порталот „ТН“ објави фотографии на кои се гледа вооружен маж на покривот од зградата. Порталот наведува дека експлозии се слушале од местото на настанот.
— Hexdline (@HexdlineNews) December 21, 2023
#BREAKING: Photo potentially shows shooter on a roof at a university in Central Prague, Czech Republic. pic.twitter.com/U4j0tZRQG4
— Hexdline (@HexdlineNews) December 21, 2023
#UPDATE: Another photo showing the shooter from Prague: pic.twitter.com/yxGdxOZPuT
— Hexdline (@HexdlineNews) December 21, 2023
Според достапните фотографии, по ходникот на факултетот се движел маж со долго огнено оружје, додека на другите слики се гледа како луѓето со кренати раце трчаат надвор од зградата, пишува чешкиот iDNES.cz.
На видеата се гледаат луѓе како трчаат преку мостот во Прага во потрага по спас.
Shooting at Prague University on Jan Palach Square. According to preliminary data, several people were killed. There are also injured people.
It all happened at the Faculty of Philosophy. According to a representative of the local police pic.twitter.com/RkHrBusQpD
— SSN News (@Grogozak) December 21, 2023
На местото на злосторството отишол и чешкиот министер за внатрешни работи Вит Ракушан.
⚡️ The shooting took place on the territory of Charles University in the center of #Prague#Czech Police say people have been killed and injured people. The exact number of victims and injured has not been specified.
Reports suggest the incident occurred at Charles University… pic.twitter.com/q0stT7hm5C
— NEXTA (@nexta_tv) December 21, 2023
🔴 V budově Filozofické fakulty na Náměstí Jana Palacha v centru Prahy se střílelo. Na místě zasahuje policie. Na místě je několik mrtvých a desítky raněných, střelec byl podle policie eliminován. Více 👇https://t.co/gCJddi7MXS pic.twitter.com/0XviXu0xfE
— e15news (@e15news) December 21, 2023
Пукањето се случило во центарот на Прага.
Currently stuck inside my classroom in Prague. Shooter is dead, but we are waiting to be evacuated. Praying to make it out alive.
Locked the door before the shooter tried to open it. Fucking hell. pic.twitter.com/wYyhOe5U6p
— Jakob Weizman (@jakobweizman) December 21, 2023
Некои ученици се забарикадирале во училниците за време на пукањето, а една од најпотресните фотографии е онаа на студенти кои се сокриле на покривот.
🚨 𝐁𝐑𝐄𝐀𝐊𝐈𝐍𝐆 𝐔𝐏𝐃𝐀𝐓𝐄 🚨 This was a picture taken of students of Prague university in Prague, Czechia, taking refuge on top of a roof. Very sad. pic.twitter.com/7zzlFl6GrJ
— Right Angle News Network (@Rightanglenews) December 21, 2023
The police report dozens of wounded and some dead .
The man who shot in #Prague committed suicide, the mayor reports .
Students escaped from the window of the building in order to save their lives . pic.twitter.com/1MtDfR8Op1
— MagenDavid (@ShieldsOfDavid) December 21, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора планира да произведува дронови; САД: Покажуваат дека се сериозни

Црна Гора планира да започне со производство на беспилотни летала во соработка со американска компанија, а првата серија ќе биде донирана на Украина, објавија денес црногорските медиуми, повикувајќи се на „писмо за намери“ усвоено од владата во Подгорица кон крајот на мај.
Во тој документ, како што објави Радио Слободна Европа, црногорската влада наведува дека оваа иницијатива ќе ги подобри капацитетите на војската во однос на НАТО, ќе ги поддржи одбранбените потреби на Украина, како и позицијата на Црна Гора како сигурен снабдувач на најсовремена одбранбена опрема на глобалниот пазар.
Се нагласува дека договорот вреден 15 милиони долари ќе биде поддржан и од американската администрација предводена од претседателот Доналд Трамп. Писмото за намери усвоено од црногорската влада на 29 мај наскоро ќе го потпишат црногорскиот министер за економски развој Ник Ѓељошај и Роберт Џ. Донахју, директор на компанијата „Бај Лајт Профессионал ИТ Сервисиз ДОО“. Тоа ќе биде претходница на договорот што треба да се потпише во септември.
Договорот предвидува користење на компании од Црна Гора и регионот за тестирање на воздушни и подводни технологии на беспилотни системи. Исто така, се наведува дека владата на Црна Гора се согласува да ја донира првата серија беспилотни системи од рано производство и сродна одбранбена опрема на Украина.
Амбасадата на САД објави дека договорот, доколку биде одобрен, ќе промовира заедничка безбедност, стабилност и напредок и дека владата на САД ги охрабрува сите земји-партнери да инвестираат и да соработуваат со американските компании.
„Инвестирањето во одбранбени капацитети, како што се американските беспилотни воздушни системи, ја покажува сериозноста на Црна Гора во исполнувањето на своите обврски кон Алијансата во време кога бараме од Европа да преземе поголем товар за нејзината безбедност“, порачаа тие.
Европа
Естонија се повлекува од Конвенцијата за забрана на противпешадиски мини, стравува од Русија

Парламентот на Естонија денес гласаше за повлекување од Конвенцијата од Отава со која се забранува употребата на противпешадиски мини, поради загриженост за потенцијална воена закана од соседна Русија.
Осумдесет и еден од 101 пратеници го поддржаа предлогот, соопшти прес-службата.
Сите пет земји од Европската Унија и НАТО што граничат со Русија – Литванија, Латвија, Естонија, Полска и Финска – објавија планови за повлекување од меѓународниот договор поради воената закана што ја претставува нивниот многу поголем сосед.
Русија не е членка на Конвенцијата од Отава и користеше мини при инвазијата на Украина. Гласањето на Естонија следеше по гласањето на Латвија и Литванија, чии парламенти веќе го одобрија повлекувањето. Земјите ќе можат да складираат и распоредуваат мини шест месеци откако ќе ги известат другите членки на договорот и Обединетите нации за нивната одлука. Ниту една од петте земји сè уште не го сторила тоа.
Регион
Европската комисија не се откажува од рудникот за литиум во Србија, тој се појави на новата листа

Европската комисија денес објави список од 13 стратешки проекти во областа на критичните суровини во трети земји, вклучувајќи го и проектот Јадар во западна Србија, кој предизвика силни протести и спротивставување во таа земја.
Списокот на стратешки проекти во областа на критичните суровини во трети земји вклучува проекти во Канада, Гренланд, Казахстан, Норвешка, Србија, Украина, Замбија, Нова Каледонија, Мадагаскар, Малави, Јужна Африка и Обединетото Кралство.
Според проценката на Комисијата, избраните проекти, од кои повеќето се однесуваат на суровини неопходни за производство на електрични возила и батерии, како што се литиум, никел, кобалт, манган и графит, бараат вкупно 5,5 милијарди евра капитални инвестиции за да започнат со работа.
На листата е вклучен и проектот Јадар во долината на реката Јадар во западна Србија, кој предизвика широко распространето негодување и отпор поради страв од загрозување на здравјето на луѓето и животната средина.
На почетокот на 2022 година, српската влада го поништи усвоениот просторен план за рудникот во долината на реката Јадар и го запре проектот. Сепак, во јули минатата година, повторно донесе одлука со која му дозволи на британско-австралискиот рударски гигант „Рио Тинто“ да го рестартира својот проект за рударство на литиум.
Избраните стратешки проекти ќе добијат поддршка од Комисијата, земјите-членки и финансиските институции во форма на полесен пристап до финансирање. Комисијата, исто така, ќе ја зајакне соработката со трети земји за да се обезбеди развој на овие проекти, особено преку стратешки партнерства што веќе се воспоставени со некои од земјите.