Свет
(Видео) Принцот Вилијам се огласи првпат по дијагнозата на татка си
Принцот Вилијам ја спомена дијагнозата на рак во кралското семејство првпат по објавувањето на Бакингемската палата во понеделникот.
Пристигнувајќи на гала за лондонската служба за брза помош во центарот на Лондон, принцот од Велс им мавна на луѓето собрани надвор од местото.
„Навистина ги цениме сите ваши љубезни пораки, ви благодариме“, рече Вилијам.
Prince William asked about his father he said: ‘we really appreciate everyone’s kindness’ pic.twitter.com/ibQFmlwDqv
— Rebecca English (@RE_DailyMail) February 7, 2024
Бакингемската палата во понеделникот објави дека на кралот му бил дијагностициран рак.
На принцот Хари, заедно со другите високи членови на кралското семејство, кралот лично му кажал за дијагнозата, по што Хари бргу се качил на лет од Калифорнија.
Тој во вторникот поминал околу 45 минути во кралската резиденција пред да се врати во својот дом во средата, според извештаите на медиумите.
Се очекува Вилијам да преземе повеќе јавни должности додека татко му се фокусира на лекувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.