Европа
(Видео) Принцот Ендру бил вербално нападнат додека одел зад ковчегот на мајка си

Принцот Ендру бил вербално нападнат додека одел зад ковчегот на својата мајка, кралицата Елизабета Втора, на улиците на Единбург, Шкотска, пренесувааат агенциите.
Испадот на еден од присутните, според написите, се случил за време на поворката од палатата „Холирудхаус“, каде што телото на кралицата беше однесено од замокот Балморал во саботата до катедралата „Сент Гилс“ пред богослужбата.
#PrinceAndrew heckled during procession on way to St Giles cathedral in Edinburgh.Pulled out of the crowd. @SkyNews #QueenElizabeth pic.twitter.com/q6lSQc2azV
— Charlotte O'Shea (@CharlotteOCOS) September 12, 2022
За време на официјалното покривање на поворката, еден млад човек бил снимен како извикува „Ендру! Ти си болен старец!“ пред радиодифузерите да го исклучат звукот. Неидентификуваниот маж бил извлечен од кадарот на камерата, а членовите на толпата по испадот извикувале: „Боже, спаси го кралот“, пишуваат светските гласила.
Ендрју одел во поворката заедно со своите браќа, кралот Чарлс III и принцот Едвард, и сестрата, принцезата Ана. Сите тројца, според написите, беа облечени во униформи на вооружените сили. Но, тој не го стори тоа бидејќи мајка му му ги одзеде военото покровителство и должностите во февруари по скандалот со сексуалниот напад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Фрлени „молотови коктели“ кај рускиот конзулат во Франција, се огласи Захарова

Рускиот конзулат во Марсеј, Франција, рано утринава бил нападнат со „молотов коктел“, а нема информации за жртви, јавува „Анадолија“.
Инцидентот се случил околу 8 часот по локално време на авенијата Амброаз-Паре, улица на која се наоѓаат многу странски конзулати, објави BFMTV.
‼️ ⚡️Une explosion a tonné à l’intérieur du consulat russe à Marseille — BFM TV
«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw
— Camille Moscow 🇷🇺 🌿 ☦️ (@camille_moscow) February 24, 2025
Два „молотови коктела“ биле фрлени во дворот на конзулатот, но, за среќа, не е забележана штета или повредени, јавуваат медиумите повикувајќи се на полициски извори.
Во тек е истрага за мотивите за нападот.
Портпаролката на руското Министерство за надворешни работи, Марија Захарова, потврди дека имало експлозија кај рускиот конзулат во Марсеј опишувајќи ја како потенцијален терористички напад.
Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.
Европа
Ватикан: Папата е во критична состојба, но имаше мирна ноќ

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи се, соопшти Ватикан.
88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.
Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.
Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.
„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.
Европа
Експлозија кај рускиот конзулат во Марсеј

Експлозија утрово го потресе француски Марсеј во близина на рускиот конзулат. Пожарникарите потврдија дека имало експлозија во 8-миот арондисман.
„Експлозијата се случи во близина на рускиот конзулат во Марсеј околу 8 часот наутро“, соопштија пожарникарите.
На терен се околу 30 пожарникари и бројни полицајци. Засега не е позната причината за експлозијата, ниту пак дали има повредени.