Свет
(Видео) Пронајден лавот што шеташе низ улиците во близина на Рим по бегството од циркус
Властите успеајаа да го вратат во локалниот циркус во близина на Рим лавот кој избега и талкаше по улиците на Ладисполи со часови, а градоначалникот изрази надеж дека настанот ќе ја разбуди совеста и ќе ја запре експлоатацијата на животните во циркусот.
Градоначалникот Алесандро Грандо, кој управува со градот со околу 40.000 жители, синоќа ги повика своите сограѓани да не излегуваат од дома додека полицијата и персоналот на циркусот не го фатат бегалецот.
🇮🇹#Italy, #Ladispoli: #Lion #escaped from the #circus pic.twitter.com/3NtIkdn1q6
— Enigma Intel (@IntelEnigma) November 11, 2023
На видеата кои ги објавија италијанските медиуми, чија автентичност не можеше да ја потврди агенцијата АФП, се гледа возрасен лав кој ноќе шета низ улици.
Во 22 часот и 30 минути, повеќе од пет часа по првата порака до граѓаните, Грандо на својата Фејсбук страница објави дека „лавот е заробен“.
❗️The mayor’s office of #Ladispoli reports that the lion has been captured. They were able to tranquilize him and capture him. Now he will be sent back to the circus.
#Italy #Rome #escape #circus #Lion pic.twitter.com/wpGKUHVPQu
— Alexandru Judeu (@AlexandruJudeu) November 11, 2023
„Сега циркусот ќе се грижи за него“, додаде градоначалникот и им се заблагодари на итните служби и волонтерите за помошта „во часовите на голема загриженост“.
„Се надевам дека оваа епизода ќе ја разбуди совеста и дека конечно ќе ја прекинеме експлоатацијата на животните во циркусот“, напиша градоначалникот.
Очекувајќи дека некои жители би можеле да поднесат тужби, Грандо рече дека не дал дозвола циркусот да дојде во градот, но нема овластување да го спречи тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.