Свет
(Видео) Пропагандистот на Путин: Ќе почнеме нуклеарен напад врз земјата што ќе го уапси Путин

Пропагандистот на Путин, Владимир Соловјов, повика да се нападне секоја земја со нуклеарно оружје што ќе се обиде да го уапси рускиот претседател Владимир Путин поради наредба издадена од Меѓународниот кривичен суд (МКС).
Соловјов во неговата емисија директно не го спомнал налогот на МКС за апсење на Путин, но ја споменал руската комесарка за правата на децата, Марија Лавов-Белова, по која исто така била издадена потерница на МКС.
On last night’s show, Solovyov didn’t spell out explicitly that The Hague had issued an arrest warrant for Putin (he did mention Lvova-Belova by name), but warned that any country that dare even declare its intention to detain the Russian president would be nuked pic.twitter.com/0S7GUpfUyJ
— Francis Scarr (@francis_scarr) March 20, 2023
Соловјов го почнал својот говор осврнувајќи се на неодамнешната изјава на германскиот министер за правда Марк Бушман за наредбата на МКС.
„Германија ќе биде обврзана да го уапси претседателот Путин веднаш штом тој ќе влезе на германска територија и ќе го предаде на МКС“, изјави Бушман.
„Генерално, секоја структура или која било држава што ќе се осуди – како германското ѓубре од министер што рече дека ќе се обидат да ја докажат (одлуката)… Само да знаете, секој обид да се спроведе тоа е изглед на војна!“, рече Соловјов.
„Тоа бара итен нуклеарен напад врз таа земја! Итно! Односно, секој обид да се стори тоа, да се оди против волјата на рускиот народ, што е многу јасно изразена, мора да резултира со ракетен напад“, продолжи тој. Потоа повторно му се закани на германскиот министер Бушман.
„И тој идиот, министерот за правда, треба да се запознае со ракетите ‘Сармат“, рече тој, мислејќи на руските интерконтинентални балистички ракети, кои може да носат повеќе од десетина нуклеарни бојни глави. Сите од луѓето што сметаат дека е легитимно да го прави она што го направил треба да одговараат!“, заклучи Соловјов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп го нападна Зеленски за минералите: Доцнат три недели

Доналд Трамп изјави дека работата на мировниот договор меѓу Русија и Украина „тече непречено“.
Во објава на неговата платформа „Truth Social“, актуелниот американски претседател исто така рече дека Украина сè уште не потпишала договор за ретки земјини минерали со САД и изрази надеж дека тоа ќе го стори веднаш.
„Украина, предводена од Володимир Зеленски, сè уште не ги потпишала конечните документи за многу важен договор за ретки минерали со САД“, напиша Трамп.
„Доцнат најмалку три недели. Се надевам дека договорот ќе биде потпишан СЕГА“. Тој додаде: „Работата на сеопфатен мировен договор меѓу Русија и Украина напредува непречено. УСПЕХОТ се чини дека е на повидок.“
Изјавите на Трамп доаѓаат откако неговиот претставник Стив Виткоф се сретна со рускиот претседател Владимир Путин во Москва, а Кремљ по состанокот соопшти дека Русија и САД се „поблиску“ до договор за „голем број меѓународни прашања“. Од друга страна, од Украина доаѓаат гласини дека Киев би бил подготвен привремено да отстапи територија на Русија, иако претседателот Зеленски рече дека „нема дискусија“ за Крим или кој било дел од Украина.
Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.