Европа
(Видео) Пропагаторот на Путин: Западот се подготвува за голема војна со Русија

Пропагаторот на Кремљ, Владимир Соловјов, изјави дека соработката на членките на НАТО покажува дека Западот се подготвува за војна со Русија. Неговите коментари следуваа по реакцијата на рускиот претседател, Владимир Путин, на тврдењето на американскиот претседател, Џо Бајден, дека ако Русија ја победи Украина, ќе нападне членка на алијансата.
Путин во неделата за државната телевизија изјави дека Москва нема „никаков геополитички интерес, ниту економски, ниту политички, ниту воен, да се бори со земјите од НАТО“ додавајќи дека таквата перспектива е „целосна глупост и претседателот Бајден го разбира тоа“.
“We see how the West is clearly preparing for a big war with Russia” – Russian propagandist Solovyev.
It’s always someone else’s fault when Russia attacks, according to them. https://t.co/KP6T9gQNx4 pic.twitter.com/rIFYwL7xd4
— Anton Gerashchenko (@Gerashchenko_en) December 18, 2023
„Но, НАТО сака да се бори со Русија. Литванија и Естонија потпишаа план за соработка до 2028 година, а американската база за противракетна одбрана стана оперативна во Полска, на 209 километри од Калининград“, тврди Соловјов.
„Дали тие се обидуваат да нѐ задеваат“, им рече тој на гледачите во видеото споделено на X од украинскиот советник за внатрешни работи, Антон Герашченко.
„Иако Путин по 156-ти пат јасно објасни дека нема да војуваме со НАТО… веќе нема да бидеме наивни. Повеќе не му веруваме на Западот, никому“, рече тој на каналот „Русија 1“. „Разбираме која е нивната вистинска смисла, уништување на руската држава. Ние веќе не веруваме во уверувањата на нивните политичари. Гледаме како Западот јасно се подготвува за голема војна со Русија“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Данските власти поставија воен радар на аеродромот во Копенхаген за откривање дронови

Откога неидентификувани дронови беа забележани над данските аеродроми и воени бази речиси секоја вечер минатата недела, данските власти презедоа низа мерки за да се осигурат дека претстојниот состанок на лидерите на Европската Унија во Копенхаген ќе помине без безбедносни закани.
Откога минатата сабота беше забранета целата активност на дронови над Данска, фрегатата на германската морнарица „ФГС Хамбург“ се закотви во пристаништето во Копенхаген во неделата. Германскиот брод ќе придонесе за надзор на данскиот воздушен простор за време на самитот на Европската Унија, објавија данските медиуми.
Најновата мерка на данските власти е инсталирање современ радар за откривање и следење дронови „Вајбел Ксента“ на аеродромот „Каструп“ во Копенхаген.
Данската полиција и Генералштабот на вооружените сили не сакаа да дадат подетаљни информации за радарот што може да се види зад оградата кај „Каструп“. Познато е само дека станува збор за уред од данската компанија „Вајбел саентифик“, што може да детектира сите летала на растојание до 30 километри.
фото: принтскрин
Европа
Орбан: Секој друг извор на нафта и гас, освен рускиот, е несигурен и поскап

Снабдувањето на гас и нафта од Русија е загарантирано за Унгарија, а секој друг извор на енергија е несигурен и поскап, изјави денес унгарскиот премиер, Виктор Орбан.
„Ниеден разумен човек не би разменил нешто сигурно за нешто неизвесно“, рече Орбан денес во поткастот Fight Hour, како што објави унгарската агенција MTI. Унгарскиот премиер рече дека испораката на енергија од Русија е загарантирана и дека цената е пониска отколку од другите земји. Доколку Унгарија купува нафта и гас од други земји по повисока цена, ќе мора да им наплаќа повеќе на своите жители, рече Орбан.
Унгарија, Словачка и Чешка се трите европски земји на кои им се дадени ослободувања од европските санкции за увоз на руска нафта. Чешка оттогаш обезбеди други извори на снабдување, но Унгарија и Словачка продолжуваат да увезуваат нафта од Русија преку нафтоводот „Дружба“.
фото: принтскрин
Европа
Рекорден премин на Ла Манш: 125 мигранти пристигнаа со еден брод

Рекорден премин на Ламанш беше забележан во саботата кога дури 125 лица пристигнаа во еден мал брод, што е досега најголем број патници во еден брод. Вкупно, речиси 900 мигранти го преминаа Ламанш во саботата, пишува Би-би-си.
Со ова е соборен претходниот рекорд од август, кога во еден брод имаше 106 лица. Официјалните податоци од Министерството за внатрешни работи потврдуваат дека 895 мигранти пристигнале во 12 бродови во саботата, со што вкупниот број на преминувања од почетокот на 2025 година достигна приближно 33.000.
Во сенка на нова трагедија
Веста доаѓа откако уште еден мигрант почина обидувајќи се да премине, а неговото тело беше пронајдено во неделата наутро на плажа во близина на Булоњ-сур-Мер во северна Франција, објави новинската агенција АФП.
Возраста и националноста на починатиот сè уште не се познати. Обвинителката на пристанишниот град, Сесил Гресиер, изјави за АФП дека истрагата ќе утврди дали постои врска помеѓу оваа смрт и обидот за премин во близина на Екиен-Плаж, каде што беше пронајдена 49-годишна жена и однесена во болница поради хипотермија.
Во саботата, две жени од Сомалија исто така ги загубија животите откако нивниот импровизиран чамец наиде на проблеми. Со ова, бројот на смртни случаи при обид за нелегално преминување од Франција во Велика Британија оваа година се искачи на најмалку 27.
фото: принтскрин