Свет
(Видео) Пукање на аеродром во Канада, има загинати
Едно лице загина во престрелка на главниот терминал на меѓународниот аеродром во Ванкувер, Канада, објавија локалните власти.
Твитер-профилот на аеродромот претходно соопшти дека раководството соработува со полицијата, а подоцна е додадено дека ситуацијата е ставена под контрола.
Statement from Vancouver Airport Authority: pic.twitter.com/aKL7rXQEQR
— Vancouver International Airport (YVR) (@yvrairport) May 10, 2021
„Мажот беше убиен во неделата попладне во близина на терминалот за домашни летови“, објави полицискиот оддел за убиства.
Службениците за спроведување на законот не дадоа повеќе детали, но „Си-би-ес њуз“ наведува дека полицијата трага по еден или повеќе осомничени во врска со пукањето. Брзата помош на аеродромот реагираше и две единици беа испратени на местото на инцидентот.
A shooting at Vancouver airport today. It’s becoming the Wild West even in my hometown now. Sickening. https://t.co/PFO0JUv2o4
— Sue Miller Love (@suedoeskelowna) May 10, 2021
Менаџментот на аеродромот подоцна објави дека објектот е отворен и безбеден за работниците и патниците, но препорача патниците сепак да проверат кај авиокомпаниите преку кои патуваат за статусот на нивниот лет.
„Нашите мисли се со оние што беа нападнати по повод денешниот инцидент“, се наведува во соопштението на аеродромот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.