Свет
(Видео) Путин и Ким се ракуваа: Русија ќе ѝ помогне на Северна Кореја во изградбата на вселенски сателити

Рускиот претседател Владимир Путин изјави дека Москва ќе ѝ помогне на Северна Кореја во изградбата на вселенски сателити.
Путин го пречека севернокорејскиот лидер, кој со воз пристигна на железничката станица на космодромот во рускиот регион Амур, по што следуваше посета на комплексот за лансирање на вселенскиот ракетен систем „Сојуз-2“.
Breaking News: Russian President Vladimir Putin met North Korean leader Kim Jong Un at a cosmodrome in Russia’s Far East.#iPhone15#iPhone15Pro #Putin #KimJongUn # pic.twitter.com/mS2l9ZjQ7J
— Abidullah (@577_abidullah) September 13, 2023
„Затоа дојдовме овде. Лидерот на Демократска Народна Република Кореја покажува голем интерес за ракетната технологија, тие се обидуваат да развијат вселенска програма“, изјави Путин за новинарите истакнувајќи дека на делегацијата на КНДР ќе ѝ бидат прикажани нови капацитети, пренесува „РИА новости“.
Ким е во посета на Русија на покана на Путин со кого имаше билатерална средба.
Путин најави дека на средбата ќе се разговара и за воено-техничката соработка.
„Ќе разговараме без брзање за сите теми. Има време“, им рече Путин на новинарите.
Тој исто така истакна дека рускиот министер за одбрана, Сергеј Шојгу, неодамна ја посети Северна Кореја и таму беше добро примен.
Портпаролот на Кремљ, Дмитриј Песков, претходно изјави дека Ким и Путин ќе разговараат за билатералната соработка вклучувајќи ги трговските и економските врски и културната размена, како и за ситуацијата во регионот и светот.
Ким Џонг-ун верува дека неговата сегашна посета на Русија, прва во последните четири години, ја покажува важноста на стратешките односи меѓу Русија и Северна Кореја, објави севернокорејската новинска агенција КЦНА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски Интерфакс.
Тој изјави дека рускиот претседател Владимир Путин добива онлајн извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, наскоро ќе издаде детално соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација, како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници, како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.
Свет
Германија ја зајакнува заштитата на еврејските и израелските институции по нападот врз Иран

Германскиот канцелар Фридрих Мерц изјави дека Израел има право да го брани своето постоење, а по израелските напади врз Иран, наредил зголемена заштита на еврејските и израелските објекти во Германија.
Утрово телефонски разговараше со израелскиот премиер Бенјамин Нетанјаху и свика состанок на кабинетот за безбедност во Берлин, објави германската влада.
Мерц нагласи дека целта останува да се спречи Иран да развива нуклеарно оружје и го обвини Техеран дека продолжува да ги крши своите обврски од Договорот за неширење на нуклеарно оружје и дека претставува сериозна закана за регионот, особено за Израел.
Тој ги повика двете страни да се воздржат од потези што би можеле дополнително да го ескалираат конфликтот и да го дестабилизираат Блискиот Исток.
Синоќа Израел изврши воздушен напад врз повеќе цели во Иран како дел од операцијата „Стоечки лав“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување на ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивото на зрачење.
Израелскиот премиер Бенјамин Нетанјаху изјави дека целта на операцијата е да се „неутрализира егзистенцијална закана“, истакнувајќи дека Иран со години развива нуклеарни капацитети и отворено се заканува дека ќе го уништи Израел. Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.