Свет
(Видео) Путин на средбата со Шји се тресел и ја држел раката на столот, а со ногата удирал на подот

Рускиот претседател Владимир Путин изгледаше кревко додека го пофали својот драг пријател, кинескиот претседател Шји Џјинпинг, за време на состанокот во Москва.
„Дејли мејл“ пишува дека Путин се тресел и силно го стегал столчето. Тој рече дека е подготвен да разговара за кинескиот план за ставање крај на војната во Украина. Западот и Киев се сомневаат во вистинитоста на тоа тврдење и се обидуваат да ја откријат вистинската причина за помирливиот пристап на Шји.
The US is authorising another round of military aid for Ukraine, valued at $350 million, says US Secretary of State Antony Blinken.
🟠 LIVE coverage: https://t.co/3v45ap4PHh pic.twitter.com/R8NE07QM87
— Al Jazeera English (@AJEnglish) March 20, 2023
„Отсекогаш сме биле отворени за преговори“, му рекол Путин на Шји, кој дојде во Москва неколку дена откога Меѓународниот кривичен суд (МКС) издаде налог за апсење на рускиот претседател.
In a public show of support for Russian President Vladimir Putin, China’s President Xi Jinping arrived in Moscow Monday for a high-profile meeting with him. It also comes days after Putin was accused of war crimes by the International Criminal Court. pic.twitter.com/HhgLGlqNmo
— CBS Evening News (@CBSEveningNews) March 20, 2023
Долго време се шпекулира дека рускиот претседател боледува или од рак или од Паркинсонова болест. Исто така, се известува дека за време на разговорот со Шји тој нервозно удирал со левата нога на подот. Светските медиуми постојано пишуваа дека здравјето на Путин е видно влошено во последната година или повеќе, дека често се држи за маси и столови, ‘рчи и дека му се тресат рацете.
Chinese President Xi Jinping met with Russian counterpart Vladimir Putin in Moscow on Monday, in a show of support for Putin after his invasion of Ukraine.
Read more: https://t.co/hadkGEkYfz pic.twitter.com/pU7YwVEJHZ
— Newsweek (@Newsweek) March 20, 2023
Украинските разузнавачи тврдат дека Путин боледува од некоја тешка болест.
Посетата на Шји накратко политички го оживеа Путин. Експертите велат дека Путин ќе се обиде да го претстави доаѓањето на Шји како доказ дека Русија не е изолирана.
Кина не соопшти како точно ќе ја заврши војната во Украина, туку само објави мировен план, кој содржи 12 точки. Така, Пекинг предложи Западот да ги отстрани санкциите наметнати на Москва, да се почнат мировни преговори, што ќе резултираат со отстапување на дел од територијата на Украина на Русија, НАТО да ги оддалечи своите сили од својата источна граница и да се почне со обнова на Украина, во која се претпоставува дека една од главните улоги ќе ја имаат кинеските градежни компании.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Случајот против Марин Ле Пен е лов на вештерки

Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во Париз ја осуди неа и дваесетина луѓе од нејзината партија за проневера на средства од Европската унија.
Судијата ѝ забрани на Ле Пен пет години да се кандидира на избори, што ќе ја спречи да учествува во претседателската трка во 2027 година, освен ако пред тоа не може да поднесе жалба на пресудата. Судијата сега е под полициска заштита откако добил смртни закани, изјави завчера извор за Ројтерс.
Ле Пен, партиските сојузници и поддржувачи го обвинија судот за мешање во демократијата. Францускиот премиер Франсоа Бајру пред три дена пред пратениците изјави дека „безусловно го поддржува“ судството.
Во објава на Truth Social доцна синоќа, Трамп го нарече случајот против Ле Пен „лов на вештерки“ и го пофали лидерот на екстремната десница. „Таа претрпе загуби, но продолжи, а сега, непосредно пред нешто што би било голема победа, ја фатија со помал прекршок за кој веројатно не знаела. Мене ми звучи како книговодствена грешка“, напиша Трамп во објавата.
Активистите за човекови права правеа споредби меѓу Ле Пен и Трамп во текот на годините за нивните антиимигрантски ставови и антималцинската реторика.
Пресудата на францускиот суд претставува пречка за 56-годишната Ле Пен, која до пресудата беше фаворит во анкетите пред претседателските избори во 2027 година.
Свет
Трамп го отпушти шефот на агенцијата за безбедност

Шефот на американската Агенција за национална безбедност (НСА) Тимоти Хог е сменет, објави Вашингтон пост, повикувајќи се на двајца сегашни и еден поранешен американски функционер.
Тимоти Хог, кој исто така ја предводеше американската сајбер команда (USCYBERCOM), беше сменет заедно со неговата заменичка Венди Нобл, објави весникот.
Според „Вашингтон пост“, Нобл е префрлена на работно место во Пентагон. НСА е дел од Министерството за одбрана на САД.
Актуелните и поранешните функционери, наведени од весникот, изјавија дека не ја знаат причината за отпуштањето на Хог или трансферот на Нобл.
Заменик-шефот на USCYBERCOM, Вилијам Хартман, беше именуван за вршител на должноста директор на НСА, а Шејла Томас, која беше извршен управител на агенцијата, беше именувана за негов привремен заменик, објави Пост.
Ниту Пентагон ниту Белата куќа веднаш не одговорија на барањето за коментар.
Демократот Џим Хајмс, висок член на Комитетот за разузнавање на Претставничкиот дом, го осуди разрешувањето на Хог.
Откако ја презеде функцијата на 20 јануари, републиканскиот претседател Доналд Трамп отпушти голем број шефови на американски разузнавачки служби и наместо нив назначи луѓе лојални нему.
Свет
Историска одлука: Уставниот суд го смени претседателот на Јужна Кореја

Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради прогласување воена состојба минатата година и втурнување на земјата во најголемата политичка криза во последните децении.
Со отстранување на Јун, претседателските избори мора да се одржат во рок од 60 дена, според уставот на земјата.
Премиерот Хан Дак-су ќе продолжи да ја извршува функцијата претседател до инаугурацијата на новиот шеф на државата.
Пресудата стави крај на повеќемесечниот политички хаос што ги засени напорите на земјата да соработува со новата администрација на американскиот претседател Доналд Трамп во време на забавување на економскиот раст.
Без оглед на отказот, Јун (64) се соочува со судење поради обвиненијата за бунт.
На 15 јануари, Јун стана првиот јужнокорејски претседател кој беше уапсен на функцијата, но беше ослободен во март, откако судот го укина налогот за негово апсење.
Политичката криза беше предизвикана од прогласувањето на воена состојба на 3 декември од страна на Јун, за која рече дека е неопходна за да се искорени „антидржавните“ елементи и злоупотребите на парламентарното мнозинство на опозициската Демократска партија, за кое тврдеше дека ја уништува земјата.
Јун ја укина воената состојба шест часа подоцна, откако пратениците се спротивставија на напорите на безбедносните сили да го затворат парламентот и гласаа за негово отпуштање.
Јун рече дека никогаш немал намера целосно да воведе воена состојба и се обидел да ги минимизира последиците, велејќи дека никој не е повреден.
После тоа избија повеќемесечни протести и останува нејасно дали одлуката на судот ќе го олесни политичкиот хаос предизвикан од прогласувањето на вонредна состојба од страна на Јун.