Свет
(Видео) Путин со цвеќе им оддаде почит на жртвите од опсадата на Ленинград
Во Санкт Петербург денеска се одржа воена парада по повод 75-годишнината од падот на нацистичката опсада во Втората светска војна, во овој град кој тогаш се викал Ленинград. Рускиот претседател Владимир Путин, положи цвеќе на споменикот на војниците кои загинале за време на опсадата.
Рускиот претседател денеска по овој повод е предвидено да учествува на уште неколку настани во Санкт Петербург и регионот на поранешен Ленинград, пренесе агенцијата „Тасс“.
Портпаролот на Кремљ, Дмитриј Песков, рече дека 75-годишнината е многу важен датум за целата земја, за сите Руси и претседателот Путин лично, кој е роден и израснат во тој град.
Повеќе од 2.500 војници, припадници на безбедносните сили и 80 парчиња специјална воена опрема продефилираа на денешната свеченост во Санкт Петербург, која започна со едноминутно молчење за загинатите војници и граѓани во текот на тригодишната фашистичка опсада.
„Се поклонуваме во знак на сеќавање на оние кои не се вратија од војната и оние кои починаа од повреди и болести. Руската армија никогаш нема да го заборави подвигот на нашите дедовци и татковци“, рече командантот на Западниот воен округ, генерал-полковник, Александар Журављев.
Опсадата на Ленинград започнала на 8 септември 1941 година и траела 872 дена, до 27 јануари 1944 година, кога била разбиена со подемот на советската операција „Искра“.
Ленинград е единствениот голем град во историјата кој успеал да одолее на опсада од скоро 900 дена.
Од три милиони жители пред војната, во градот кон крајот на опсадата останале околу 800.000. Според различни проценки, за време на опсадата животот го загубиле помеѓу 641.000 до 1 милион луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.