Холандското Министерство за надворешни работи ги предупредува граѓаните на таа земја да не пијат алкохолни пијалоци во Турција, откако 33 лица починаа во Истанбул, а десетици беа хоспитализирани поради консумирање алкохол.

Имено, тие починале бидејќи конзумирале алкохол загаден со метанол.

Според NL Times, меѓу жртвите има и странски државјани, а не е познато дали меѓу нив има и холандски државјани, бидејќи Министерството не добило никакви барања за помош.

Според Министерството, лицата починале откако пиеле алкохол загаден со метанол, што го засилува ефектот на пијалокот. Министерството ги предупреди граѓаните да купуваат алкохолни пијалоци само во официјални продавници каде е дозволена продажба на алкохол.

„Внимателно проверете дали шишињата се затворени. Одете само во доверливи барови и ресторани. Не пијте домашен дестилиран алкохол, на пример, на улица или во нечија куќа. Секогаш внимавајте со храната и пијалоците“, се додава во соопштението.

Во Истанбул починале 33 лица, 48 се хоспитализирани, а 32 се на интензивна нега откако пиеле нелегално произведен алкохол, јави во четвртокот агенцијата „Анадолија“.

Надлежните соопштија дека од почетокот на годинава вкупно 34 лица починале од ефектите на нелегално произведениот алкохол кој содржи метанол.

Според податоците од најновата студија објавена во Турција, во нелегално произведениот алкохол наместо етанол често се додава метанол, бидејќи е поевтин и може да предизвика слепило, оштетување на црниот дроб и смрт.

Четири лица осомничени дека го продавале алкохолот се уапсени под обвинение за убиство. Од 1 јануари досега во Истанбул се запленети 29 тони нелегален алкохол, а 64 компании кои продаваат таков алкохол ги загубија лиценците.

Претседателот на Република Српска Милорад Додик вчера изјави дека сè има алтернатива, вклучително и Европа, додавајќи дека ако САД имаат право на Гренланд, тогаш Србија има право и на Република Српска.

Додик се осврна на неодамнешните најави на новоизбраниот американски претседател Доналд Трамп дека би сакал да го види Гренланд како дел од САД, иако Гренланд е самоуправна автономна територија под суверенитет на Кралството Данска.

„Секогаш кога некој од нас спомнува граници, скокаат: „Границите не смеат да се допираат“. Границите се како света индиска крава. Како може сега? Како може да се поместат границите во тој свет, но не и во Република Српска? На собранието на 9 јануари 1992 година основната идеја беше самостојна држава, без субјект. Ако Американците велат дека меѓу Словенците и Хрватите немало отцепување туку реален факт на терен, дали и Република Српска е реален факт на теренот? Зошто не вративте во таа глупост наречена Босна и Херцеговина? Ако можат Гренланд и Канада, ако можат Источна и Западна Германија, како може Република Српска сега да не се приклучи кон Србија? Тогаш и Русија има право и на Украина“, пренесува РТРС.

Трамп, кој ја презема функцијата на 20 јануари, минатата недела рече дека американската контрола на Гренланд е „апсолутно неопходна“ и не ја отфрли можноста да се користи воена или економска акција, како што се царини против Данска за да се постигне тоа.

Додик истакна дека Европа нема лидер и дека многу земји кои го ценат суверенитетот природно ќе му се спротивстават на Брисел како центар кој „наметнува веќе пропаднати вредности“.

Тој ја гледа Европската унија денес на задната страна на светските настани, економски и политички ослабена, сè повеќе на која се спротивставуваат оние држави кои го ценат суверенитетот. Лошите лидери, вели тој, донеле лоши одлуки, а наследството од нивната неуспешна политика најдобро се гледа во фактот што Германија сега е десетта по големина економија во светот, додека таа беше четврта, додека Русија сега е четврта, а беше осма.

„Европа никаде ја нема, никој веќе ништо не бара од неа. Тие немаат лидер. Тие веќе не управуваат ниту со своите земји, а камоли со Европската Унија. За Бербок да биде европски лидер е понижување за европската цивилизација, таа да одредува политика кон Русија и да каже дека е нормално да се прекине протокот на енергија кон ЕУ. Што добивте? Државите кои го ценат суверенитетот природно се спротивставуваат на Брисел, кој наметнува веќе пропаднати вредности. Што е со човековите права? Сите загрозени. Што е со владеењето на правото?“, рече Додик, додавајќи дека да биле паметни, никогаш немало да дозволат да влезат во конфликт со Русија.

Лицето кое претставувајќи се како Бред Пит измами Французинка за речиси 700.000 фунти, е пронајдено во Нигерија, јавуваат локалните медиуми.

Марван Уараб, основач на страницата Find My Scammer, и помогнал на жртвата Ана да го најде лицето одговорно за измамата од 697.000 фунти.

Ова се случува откако 53-годишната жена сподели со француските медиуми дека изгубила цело богатство мислејќи дека му помага на Бред Пит да заздрави од рак, притоа не знаејќи зад пораките не стои филмската ѕвезда туку измамник од Нигерија. Целата измама изгледала уверливо бидејќи биле користени фотографии од популарниот актер од болница, со пораки до жената кои делувале напишани во реално време, а биле генерирани со помош на вештачка интелигенција.

Уараб контактирал со лажниот Бред Пит користејќи информации што му ги дала Ана и успеал да влезе во телефонот на измамникот.

Откриена била адресата од каде што лажниот Бред Пит ги пишувал пораките, а сега мамел нови жртви претставувајќи се како Кијану Ривс.

„Тоа е мала група од три или четворица прилично млади луѓе кои предизвикуваат штета. Само на лажниот профил на Бред Пит изброивме 34 жртви“, рече тој, пренесе „Дејли Мејл“.

Контактирно е со нигериските власти.

Жената од Франција претходно изјави дека во времето на измамата минувала низ тежок период со својот сопруг милионер. Најпрвин ја контактирал некој кој тврдел дека е мајка на актерот пред да стапи во контакт со профилот за која верувала дека е самиот Бред Пит.

Ана мислела дека се зближила со актерот по неколку месеци разговор, пред работите да добијат романтичен тек, а потоа и биле побарани пари поради наводни здравствени компликации.

За измамата биле користени лажни социјални медиуми и профили на  „Ватс ап“ , како и технологија за генерирање слики со вештачка интелигенција за да ѝ го испратат на жртвата она што изгледало како селфи и пораки од Пит.

Жртвата на крајот ја сфатила грешката кога видела дека актерот, всушност, не е во болница и дека бил фотографиран со нова девојка. Подоцна била хоспитализирана поради тешка депресија, но решила да проговори и да ја подигне свеста.

Откако зборуваше за своето искуство, жената е на удар на потсмев на Интернет, што доведе до повлекување на интервјуто.

„Приказната емитувана оваа недела резултираше со бран на малтретирање на сведокот“, напиша презентерот на TF1, Хари Розелмак, на својот „Икс“ профил во вторникот. „За заштита на жртвата, решивме да го повлечеме од нашите платформи“, додаде..

Интервјуто, во кое таа зборуваше отворено, па дури и споделуваше семејни фотографии со новинарите, стана вирално во понеделникот.

Тоа предизвика исмејувачки коментари и шеги, но некои онлајн критичари ја обвинија мрежата дека не успеала да заштити ранлива личност која можеби не била свесна за лошите страни.