Европа
(Видео) Русите го бомбардираа Херсон: „Цел град се стресе“
Руските сили во петокот силно го бомбардираа центарот на украинскиот град Херсон, при што беа повредени неколку луѓе и оштетени најмалку 10 згради, соопштија високи локални власти и работници за итни случаи.
Сликите на социјалните мрежи покажаа дека најмалку три места се срамнети со земја.
Раководител на градската управа Роман Мрочко изјави дека се повредени неколку лица, а едно лице е згрижено во болница. Тој рече дека најмалку десет згради биле оштетени.
Херсон. 2 приватних будинки знищено повністю, ще декілька частково зруйновані, постраждало до 10. На даний момент 7 поранених pic.twitter.com/ZHgmaLnziE
— 🍉KHERSON-KHARKIV (@KharkivKherson) October 27, 2023
„Вечерта се тресеше целиот град“, соопштија од службите за итни случаи на Украина на Телеграм. „Непријателот го таргетираше само центарот на Херсон“.
Во соопштението се вели дека работниците за брза помош спасиле две жени, на возраст од 70 и 80 години, кои биле заробени во зграда и го ставиле пожарот под контрола во погодената област.
russians have just hit downtown Kherson on a Friday evening — to maximize civilian casualties and target as many peaceful Ukrainians in their homes as possible.
terrorism is russian culture. pic.twitter.com/3nAptk6uPR
— вареничок.еріставі 🇺🇦🏳️🌈 (@maksymeristavi) October 27, 2023
Руските сили го окупираа Херсон во раните денови на инвазијата, која започна во февруари 2022 година, но го напуштија градот и западниот брег на реката Днепар кон крајот на минатата година. Тие сега редовно ги гранатираат овие области од нивните позиции на источниот брег на реката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.