Свет
(Видео) Русија почна напади во Киев, Одеса и во Бахмут, Украинците тврдат дека уништиле 35 беспилотни летала
Русија почна со големи напади врз Киев и други делови на Украина, соопштија украинските власти рано утринава додека Москва се подготвува за прославата на Денот на победата по повод годишнината од нејзината победа над нацистичка Германија.
Најмалку пет лица се повредени во руските напади врз Киев, според украинските власти. Руски проектили запалија складиште за храна во Одеса на Црното Море, а експлозии беа забележани и во неколку други украински региони.
Украинската противвоздушна одбрана уништи 35 ирански беспилотни летала „Шахид“ лансирани од Русија, соопшти војската.
This is what an apartment in #Kyiv looks like, which was damaged as a result of falling debris from #Russian drones this night. pic.twitter.com/iDrvcXUDlE
— NEXTA (@nexta_tv) May 8, 2023
Градоначалникот на Киев изјави дека во тој град ранети се најмалку пет лица и дека се оштетени складишта за гориво, автомобили, згради и инфраструктура.
„Има загинати и повредени граѓани. Оштетени се згради, приватни куќи и друга цивилна инфраструктура“, соопшти армијата.
Воената администрација на Киев соопшти дека остатоците од дронот паднале на пистата на аеродромот „Жулјани“, еден од двата патнички аеродрома во украинската престолнина, без да предизвикаат пожар, но на местото на настанот била повикана итната помош.
Соопштено е дека во централната киевска област Шевченковски остатоци од дрон погодиле двокатна зграда. „Ројтерс“ објави дека во Киев се слушаат многубројни експлозии и дека локалните власти тврдат оти системите за противвоздушна одбрана ги одбиваат нападите.
Сергеј Брачук, портпарол на воената администрација во Одеса, на својот канал на „Телеграм“ објави фотографии од голема зграда целосно зафатена во пламен во, како што рече, руски напад врз складиште за храна.
Владимир Рогов, руски локален функционер во Запорожје, рече дека руските сили погодиле складиште и позиција на украински војници во Орихив, мал град во регионот. „Ројтерс“ не го потврдува ова.
Руските сили во неделата гранатираа осум локации во регионот Суми, североисточна Украина, објави регионалната воена администрација на „Фејсбук“.
Во последните две недели се интензивираа и нападите врз цели под контрола на Русија, особено на Крим. Украина, без да потврди каква било улога во нападите, вели дека уништувањето на непријателската инфраструктура е подготовка за нејзината долгоочекувана контраофанзива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.