Спасувачите во Јапонија се обидуваат да извлечат возач на камион од дупка што се појави завчера и оттогаш се прошири, јавува Би-Би-Си.

Во градот Јашио, во префектурата Саитама, недалеку од главниот град Токио, се појавила дупка и проголтала камион. Спасувачките напори биле отежнати поради урнатиот пат, а властите наредија евакуација на десетици домаќинства во областа.

Според локалните медиуми, 74-годишниот возач последен пат им одговорил на спасувачите завчера попладне. Иако службите за итни случаи успеале да го извадат товарниот дел од камионот од дупката со големина на базен, кабината на возачот се уште е затрупана во нечистотија и урнатини. Дупка со дијаметар од околу 10 метри и длабока 5 метри првпат се појави завчера наутро на раскрсница на пат. Најверојатно е предизвикана од пукање на подземна канализациона цевка.

Japan sinkhole doubles in width as crews work to free truck driver pic.twitter.com/lNz7Mds61y

— Orin Ulysses Rascal (@ourascal) January 30, 2025

Властите соопштија дека отпадните води од оштетената цевка се излеале од дупката, поради што денеска се појавила втора дупка. Снимките покажаа како за време на уривањето се урнал електричен столб и знак од ресторан, по што следело дополнително уривање на патот што ги поврзува двете длабнатини во огромен кратер широк 20 метри, што дополнително ја отежна спасувачката операција.

Во дупката има и гасовод, што ги зголеми стравувањата за можно истекување на гас. Властите наредија евакуација на 200 домаќинства во околината. Тие ги повикаа и жителите на градот и околните места да ја намалат потрошувачката на вода.

Дупките се сè почеста појава во јапонските градови бидејќи многу од нив имаат застарена канализациона инфраструктура. Огромна дупка проголта улица со пет ленти во градот Фукуока во 2016 година, предизвикувајќи пречки во сообраќајот и снабдувањето со електрична енергија и вода. За среќа нема сериозни повреди.

Минатиот август, потрагата по жена која исчезна во провалија на тротоар во центарот на Куала Лумпур беше прекината по една недела. Во тоа време, властите сметаа дека е премногу ризично да продолжат да испраќаат нуркачи во подземната канализациона мрежа, која беше преполна со силни струи и остатоци.

Екстремно десничарскиот романски политичар Калин Јоргиеску предизвика контроверзии велејќи дека Украина е фиктивна држава чија територија ќе биде поделена меѓу соседните земји, вклучително и Романија.

Георгеску, водечкиот екстремно десничарски кандидат на претстојните претседателски избори, е познат по своите радикални ставови, но сега дополнително ја шокираше јавноста со изјавата дека Украина може да се подели меѓу Русија и Романија.

„Сто проценти, тоа ќе се случи. Па, немаат друг пат! Патот до ова е неизбежен. Украина е фиктивна држава. Тоа е Украинската Советска Социјалистичка Република“, рече Георгеску. Тој исто така нагласи дека, доколку победи на изборите, ќе го забрани извозот на украинско жито преку Романија и ќе ја прекине сета воена помош за Украина.

“Ukraine is a fictional state, its territory will be divided among neighbors,” — pro-Russian far-right Romanian politician Călin Georgescu spews nonsense. He claims borders will change, eyeing Northern Bukovina, Budjak & Transcarpathia, while saying Lviv will go to Poland. pic.twitter.com/d5M1mxDLV5

— NOELREPORTS 🇪🇺 🇺🇦 (@NOELreports) January 30, 2025

Зборувајќи за можна промена на границата, тој ги спомена регионите како Северна Буковина, Бугеац (Буџак) и Северен Марамуреш како делови од територијата што може да и се вратат на Романија. Овие области моментално припаѓаат на западна и јужна Украина.

Украинската страна се уште официјално не ги коментира овие изјави, додека аналитичарите сметаат дека таквите коментари може дополнително да ги заострат односите меѓу двете земји.

Георгеску останува најпопуларниот кандидат пред повторените претседателски избори во мај. Судот во Романија ги поништи резултатите од првиот круг од изборите на кои тој водеше, откако беа констатирани нерегуларности.

Претседателот Доналд Трамп на денешниот брифинг изјави дека Белата куќа има „цврсто мислење“ за тоа што довело до судир во воздух во близина на националниот аеродром Реган.

„Иако сè уште не ја знаеме точната причина за несреќата, имаме многу силни мислења и идеи и мислам дека наскоро ќе ги споделиме. Сведок сум на слични инциденти низ годините“, рече Трамп.

Тој додаде дека верува дека тие имаат прилично добри претпоставки, а патничкиот авион направил се’ како што требало и бил на правилната траекторија.

Според него, несреќата била предизвикана од низа лоши одлуки.

„Поради некоја причина, хеликоптерот беше на иста висина и се движеше под многу неповолен и крив агол“, рече Трамп.

Тој тврди дека хеликоптерот го направил спротивното од она што му било кажано.

И покрај изјавите на Трамп, властите се уште не објавија официјални детали за причината за несреќата.

Претседателот заклучи дека „трагедијата не требало да се случи“.

Од друга страна, претседателот на Националната асоцијација на контролори на летање во писмо до членовите нагласи дека е „прерано да се шпекулира за причината“ за несреќата.

Трамп вели дека ова се часови на анксиозност за нацијата.

Ја поздрави операцијата за пребарување и спасување на сите нивоа и рече дека оваа мисија сега е мисија за пребарување, дека нема преживеани.