Свет
(Видео) Сирија бомбардира турски оклопни возила

Сириското воено воздухопловство бомбардира воен конвој на Турција во провинцијата Идлиб, пренесе турската агенција ДХА.
Според информациите, турскиот конвој се движел кон Хан Шејхун и нема податоци за жртви.
#Syria regime warplanes targeted the Turkish military convoy for the second time in Heish village north Khan Sheikhoun in south #Idlib pic.twitter.com/Q36kwMK2cc
— Suhail AlGhazi (@putintintin1) August 19, 2019
Како што пренесува турската телевизија НТВ, голема колона оклопна техника се движела меѓу турските контролни пунктови 7 и 9 во Идлиб. Префрлувањето на оружјето било неопходно бидејќи деветтиот пункт се нашол во центарот на офанзивата на сириската војска. Гранати паднале во близина на оклопните возила.
Колоната запрела за да избегне загуби, а турската команда на самото место испратила дронови.
#ACİL: Esed rejimi İdlib güneyine ilerleyen TSK konvoyunu direk hedef aldı. pic.twitter.com/WsJ4Ao7BTj
— Levent Kemal (@leventkemaI) August 19, 2019
Претходно, сириската државна телевизија, повикувајќи се на Министерството за внатрешни работи, соопшти дека турските оклопни возила се движат кон Хан Шејхун, каде што сириската војска води борба со терористите од Фронтот Нусра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.