Свет
(Видео) Снимен удар на гром во близина на Белата куќа, загинаа маж и жена

Постар брачен пар од Висконсин им подлегна на повредите кога денеска ги удри гром во близина на Белата куќа во Вашингтон, соопшти полицијата.
Загинаа Џејмс Милер (76) и Дона Милер (75), а уште две лица, кои беа погодени од громот, се хоспитализирани, јавува Би-би-си. Жртвите биле во паркот „Лафајет“ за време на вчерашното невреме кога биле погодени од гром, соопштија пожарникарите.
Паркот е во близина на седиштето на американското претседателство, па членовите на американската тајна служба беа меѓу првите што им помогнаа на настраданите. Белата куќа изрази сочувство до семејствата на жртвите и повредените.
UPDATE: 2 dead, 2 critically injured in lightning strikes in front of the White House pic.twitter.com/IVivIeQIfc
— BNO News (@BNONews) August 5, 2022
Прес-секретарот на Белата куќа, Карин Жан-Пјер, рече дека сите „се молат за оние што сè уште се борат за своите животи“.
Гром погоди четири лица во близина на дрво до оградата околу комплексот на Белата куќа.
Националната метеоролошка служба издаде предупредување за грмење за областа во четвртокот.
Плоштадот „Лафајет“ е јавен парк недалеку од Белата куќа. Често е преполн со посетители, особено во лето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Австрија во шок по масакрот во училиштето: „Нема зборови да се опише болката и тагата“

Австриската полиција соопшти дека најмалку десет лица, од кои повеќето ученици, се убиени во нападот во училиштето во Грац, вклучувајќи го и сторителот, и дека многумина се повредени, некои сериозно.
Полицијата јавно не го идентификува убиецот и претпоставува дека дејствувал сам. Австриските медиуми објавија дека напаѓачот бил поранешен средношколец.
„Масакрот во училиштето во Грац е национална трагедија што длабоко ја потресе целата наша земја“, рече австрискиот канцелар Кристијан Штокер.
„Убиствениот бес во училиштето во Грац е национална трагедија што ја потресе целата земја. Нема зборови да се опише болката и тагата што ја чувствува цела Австрија“, додаде тој.
Претседателот Александар ван дер Белен го изрази својот шок од настаните во Грац. „Овој ужас не може да се опише со зборови. Она што се случи денес во Грац нè погодува директно во срцето“, рече тој.
Весниците „Куриер“ и „Салцбургер Нахрихтен“ објавуваат дека осомничениот е 22-годишен поранешен ученик на училиштето, а „Салцбургер Нахрихтен“ објави дека тој бил жртва на малтретирање.
Свет
(Видео) Објавени снимки од училиштето во Грац: се слушаат истрели, седум ученици убиени

Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот.
Убиени се седум ученици и еден возрасен. Бројот на тешко повредени е двоцифрен, но точниот број сè уште не е официјално потврден. Според градоначалничката Елке Кар, напаѓачот е меѓу загинатите.
Се верува дека сторителот е поранешен ученик кој наводно отворил оган во две училници. Државната канцеларија за криминалистичка полиција започна истрага и бара мотив.
На социјалните мрежи е објавено видео од училница, на кое се слуша пукање.
Austria shooting – Here you can hear the shots in the Graz school.
Video shows gunshots heard in Graz school. The video was filmed in a classroom at the BORG.
Reports of 10 dead.
— Lord Bob Shit McShitface (@ShitMcShitface) June 10, 2025
„Незамисливо е што се случи денес во Грац. Како премиер на Штаерска и како татко, длабоко сум погоден од овој луд чин што донесе толку многу несреќа и неверојатно страдање“, рече штаерскиот премиер, Марио Кунасек.
Ein Video vom Spezialkommando in der Schule in Österreich in Graz bei der Evakuierung der Schule nachdem 8 Menschen bei einem Amoklauf getötet worden sind und zahlreiche Verletzte.#Amoklauf #Schule#Österreich#Tote #Spezialkommando #Großeinsatz #Graz#School #shooting… pic.twitter.com/es77Wd9xhv
— Politics World Wide Web (@PoliticsWWWeb) June 10, 2025
Најмалку 28 повредени лица моментално се лекуваат во болници. Најмалку четворица од нив се во исклучително критична состојба, некои жртви наводно биле застрелани во главата, објавува Кронен Цајтунг.
Осомничениот сторител наводно е 22-годишен поранешен ученик кој, според непотврдени информации, легално поседувал оружје – пиштол и пушка што ги имал со себе.
Еден од двата класа во кои пукал наводно е неговата поранешна училница.
Свет
(Видео) Детали за пукањето во училиштето во Грац: најмалку осум загинати, телото на напаѓачот пронајдено во тоалетот

Најмалку осум лица се убиени во пукотница во училиште во австрискиот град Грац.
Тамошните медиуми јавуваат дека бројни полициски единици, вклучувајќи ја и специјалната единица „Кобра“, биле распоредени на местото на пукотницата, која започнала околу 10 часот наутро.
Телото на напаѓачот е пронајдено во тоалетот
Graz:🕯Zahl der Toten steigt auf 11
Wie die 16-jährige Schülerin AUF1 exklusiv mitteilte, ist die Zahl der Toten auf elf gestiegen, so ein Rettungssanitäter gegenüber dem Mädchen. Schwerverletzte werden per Rettungshubschrauber in umliegende Krankenhäuser gebracht. Laut Polizei… pic.twitter.com/n2vGn8cLAb
— AUF1 (@AUF1TV) June 10, 2025
Ранетите се евакуираат со полициски хеликоптери.
Една наставничка се забарикадирала со своите ученици во училницата за да ги спаси, пишуваат медиумите во Австрија.
Според австрискиот „Курир“, напаѓачот си го одзел животот, а неговото тело е пронајдено во училишниот тоалет.
Полицијата не ја исклучува можноста друг напаѓач да учествувал во масакрот. Штаерската полиција потврди дека во нападот биле употребени неколку оружја, но деталите засега не се познати.
Јавноста е предупредена дека областа на училиштето не е безбедна.
Денешната пукотница се случи во пресрет на десетгодишнината од пукотницата во Грац на 20 јуни 2015 година. Тогаш беа убиени три лица.