Турскиот претседател Реџеп Таип Ердоган изјави дека оваа земја нема да дозволи терористите да дишат во нејзините граници, но не и надвор од неа, пренесуваат агенциите.

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​Зборувајќи за борбата против тероризмот, Ердоган подвлекол дека Турција продолжува со решителната борба против терористите и внатре и надвор од нејзините граници.

„Како што не дозволуваме терористичките организации да дишат во нашите граници, така ќе направиме се за да ги исушиме терористичките мочуришта и надвор од нашите граници“, изјавил Ердоган.

Тој зборувал и за енергетската криза и истакнал дека додека Европејците размислуваат како да ја преживеат зимата, Турција веќе спроведува стратешки студии за да ги обезбеди своите потреби за снабдување со енергија.

Потсетил дека оваа недела испловил турскиот брод „Абдулхамид Хан“, кој во моментов бара ресурси во Средоземното Море.

„Верувам дека бродот „Абдулхамид Хан“ ќе донесе добри вести за нашиот народ, како што е нашето откритие на 540 милијарди кубни метри гас во Црното Море“, кажал тој.

Најавил и формирање фабрика за производство на барут, патрони и капсули со инвестиција од шест милијарди во градот Корум, а првата фаза од фабриката, која ќе се состои од три фабрики, ќе биде пуштена во мај 2023 година.

Мировните преговори со Русија ќе значат вистинска загуба на Украина, Европа и демократските вредности, изјавил Михаил Подољак, шеф на кабинетот на Владимир Зеленски, пренесуваат светските агенции.

Тој ги коментирал зборовите на британскиот експерт за Украина, Тимоти Еш, дека мировните преговори меѓу Москва и Киев би можеле да продолжат оваа есен.

„Денешните преговори со Руската Федерација ќе значат само едно: дека Русија победи. Ова е забележан пораз на Украина, евидентиран пораз на Европа, на демократските вредности како такви“, изјавил Подољак, а пренесува „Комерсант“.

Според него, мировните преговори со Москва би можеле да ја „поправат цивилизираната катастрофа“, а по нивното започнување ќе следи „колапс на целиот глобален безбедносен систем“.

Украина веќе плати висока цена, што е „многу повисока од можноста за итен прекин на огнот“, заклучил Подољак.

Турската армија назначи прва жена генерал, објавено е денеска во Службениот весник на оваа земја.

Како што пренесува „Anadolu Agency“, Озлем Јилмаз е унапредена во бригаден генерал од позицијата виш полковник. Сега таа ќе биде потпретседателка на Академијата за жандармерија и крајбрежната стража.

Другите унапредувања вклучуваат двајца генерал-полковници, 16 генерал-мајори и 13 бригадни генерали.