Свет
(Видео) Страв од нови жртви од поплавите во Валенсија: властите загрижени што ќе пронајдат во подземна гаража

Во тек е голема операција за пребарување на подземната гаража во најголемиот трговски центар во Валенсија, која може да собере 1.700 автомобили.
Во тек е масовна операција за пребарување во центарот откако подземниот паркинг остана потопен во смртоносните поплави – за кои многумина стравуваат дека сега стана масовна гробница со тела на стотици.
Imágenes de la inspección en el interior del aparcamiento del centro comercial https://t.co/xAIv0E72ip pic.twitter.com/4EZTd0YCZ5
— Policía Nacional (@policia) November 4, 2024
Околу 10.000 војници и полицајци се распоредени во регионот за да помогнат во потрагата откако нацијата беше погодена од најголемата природна катастрофа во последните децении, при што бројот на загинати се искачи на 217, додека уште 2.000 луѓе се водат како исчезнати.
Меѓу нив е и тим од специјализирани нуркачи, кои беа распоредени на поплавениот паркинг во трговскиот центар Бонаир, откако спасувачите открија стотици напуштени автомобили, пренесува Sky News.
Екипите за итни случаи користат чамци, роботи и нуркачи за да им помогнат додека испумпуваат вода од двокатниот паркинг и ја пребаруваат матната и темна вода за потенцијални преживеани.
Спасувач според тамошните медиуми, ја обвинил владата дека го минимизира бројот на загинати во поплавите откако шпанскиот крал Фелипе и кралицата Летиција беа гаѓани со кал и предмети додека се обидуваа да ги посетат калливите улици на еден од најтешко погодените градови на периферијата на Валенсија во неделата.
Сцени на пустош се видени низ источна Шпанија откако поплавите ја погодија областа претходно оваа недела, при што гневните жители велат дека одговорот на шпанските власти на катастрофата бил премногу бавен.
„Испумпувањето на целиот паркинг ќе биде маратонска работа. Потрагата бара трпение, специјализирана опрема и издржливост. Сигурно ќе има мрачни откритија таму долу. Биле испратени нуркачки тимови, но засега им било кажано дека не можат да влезат во водата поради големи количества шут, нафта, дизел и којзнае уште што“.
Кристина Вано, форензичар, волонтира на терен и ги прегледува автомобилите расфрлани на подземните паркинзи.
Нејзината задача е да погледне внатре и да види дали може да го забележи телото. Ако не може, треба да го означи возилото од страна со лента во боја; ако може, треба да викне полиција. Таа ги чека првите возила да бидат извлечени од подземниот паркинг на Бонер и е подготвена за она што може да биде застрашувачко искуство.
„Паркингот има простор за 1.700 автомобили. Ни кажаа дека паркингот не е полн, но внатре сигурно имало многу автомобили. Проблемот е што многу луѓе се засолниле таму, па не знаеме што да очекуваме“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.