Европа
(Видео) Супертајфунот предизвика хаос во Кина: најмалку 11 лица загинаа, а 27 се водат како исчезнати по силното невреме

Најмалку 11 лица ги загубија животите, а 27 се водат како исчезнати, откако обилните дождови го зафатија Пекинг, а на помош на жителите им пријде и војската.
Воени хеликоптери доставуваат залихи на патниците заробени во возовите по силната бура што го опустоши кинескиот главен град.
Cars washed away by Severely floods in Fangshan District of Beijing, China 🇨🇳
TELEGRAM JOIN 👉 https://t.co/9cTkji5aZq pic.twitter.com/SdXzgz4agl
— Disaster News (@Top_Disaster) August 1, 2023
Бурата „Доксури“ најпрво ги погоди Филипините со јачина на супертајфун, а потоа продолжи кон север кон Кина и ја погоди јужната кинеска провинција Фуџијан, од која беа евакуирани стотици илјади луѓе.
Beijing Daxing International Airport in communist #china's capital, less than 4 years old, cost a whopping CN¥ 80 billion (US$11.4 billion) to build in 5 years. Unsurprisingly, its storm drain system is afterall a non-existence, even the tarmac & runways are severely flooded. pic.twitter.com/lWcGZq28az
— Northrop Gundam ∀🦅⚔️☭⃠🙅 (@GundamNorthrop) August 1, 2023
Кинеската државна телевизија „CCTV“ објави дека најмалку 11 лица загинаа во обилните дождови, а 27 се водат како исчезнати.
Околу 150.000 жители останаа без вода за пиење, а до нив се доставуваат цистерни со вода. Синоќа беше издадено предупредување за невреме не само за Пекинг туку и за соседната провинција Хебеј.
Beijing Express warehouse converted into a reservoir.#Chinanews #Beijing #洪水 #台风 #杜苏芮 #暴雨 #china #Doksuri #flooding #storm #TyphoonDoksuri #rain pic.twitter.com/XMR9dHERGJ
— Chaudhary Parvez (@ChaudharyParvez) August 1, 2023
Метеоролозите предупредуваат на поплави и можни свлечишта, а градските власти ја активираа акумулацијата за контрола на поплавите, првпат од 1998 година, кога е изградена.
Кина летово се соочува со екстремни временски услови кои научната заедница ги припишува на климатските промени. Тие, исто така, предупредуваат дека пробивањето на облаците може да предизвика уште полоши поплави од оние во јули 2012 година, кога загинаа 79 лица.
И додека прогнозите укажуваат на слабеење на „Доксури“, се приближува вториот тајфун „Ханун“, кој оваа недела би можел да го погоди густо населениот крајбрежен регион на Кина.
Властите стравуваат дека „Ханун“ може да предизвика дополнителна штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.