Свет
(Видео) Супер тајфунот Јаги ја зафати јужна Кина: училиштата затворени, летовите откажани
Силни ветрови и обилни врнежи од супер тајфунот Јаги ја зафатија јужна Кина во петокот, каде што училиштата беа затворени втор ден по ред, а летовите беа откажани бидејќи една од најсилните бури што ја погоди Азија оваа година падна на брегот на кинеската тропска провинција Хаинан.
Со максимални ветрови од 245 километри на час, Јаги е вториот најсилен тропски циклон во светот од почетокот на 2024 година по атлантскиот ураган Берил од петта категорија, кој ги погоди САД порано.
Super #Typhoon Yagi hits southern China, leading to school closures and flight cancellations. The storm’s impact is being felt across the region, with safety measures ramping up. #ExtremeWeather #Sustainability pic.twitter.com/lwtKs8mqG5
— ClimateShift (@ClimateShiftX) September 6, 2024
Јаги се очекува да стигне до брегот на Кина од петок попладне движејќи се од Венчанг во Хаинан до Лејџоу во Гуангдонг. Ветерот и дождот беа придружени со силни грмежи и молњи во целиот регион во текот на ноќта и во петокот претпладне.
Сообраќајните врски во јужна Кина беа главно прекинати во петокот, а многу летови беа откажани во Хаинан, Гуангдонг, Хонг Конг и Макао. Затворен е и најдолгиот морски премин во светот, главниот мост што го поврзува Хонг Конг со Макао и Жухаи во Гуангдонг. Во финансискиот центар на Хонг Конг берзата е затворена, како и училиштата.
Третиот најсилен тајфун ќе остане во сила најмалку до 12 часот в петок, соопшти опсерваторијата во Хонг Конг, што значи дека многу бизниси ќе останат затворени и транспортот значително ќе се намали.
Кинеската влада испрати работни групи во Гуангдонг и Хаинан за да се справат со спречување на поплавите, објави официјалната новинска агенција Ксинхуа.
Тајфуните стануваат посилни, поттикнати од потоплите океани, поради климатските промени, велат научниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку 30 лица, меѓу кои три деца се повредени откако руска бомба погоди зграда во Харков
Најмалку 30 лица, меѓу кои три деца, се повредени откако руска наведувана бомба погоди станбена зграда во северозападниот украински град Харков, соопшти локалните власти, пренесува БТА.
Тој додаде дека има поголема штета на цивилната инфраструктура.
Харков е еден од најголемите градови во Украина и клучен индустриски центар лоциран блиску до границата со Русија. Градот постојано е цел на руски напади со гранати, ракети и беспилотни летала.
Свет
113 загинати во поплавите во Мјанмар
Бројот на загинати во поплавите предизвикани од тајфунот Јаги во Мјанмар се искачи на 113, а повеќе од 320.000 луѓе се раселени, соопшти денеска воената хунта во земјата.
„Во целата земја загинаа 113 лица, 64 се водат како исчезнати, а 14 се повредени“, изјави портпаролот на хунтата Зав Мин Тун.
Тој додаде дека „повеќе од 320.000 луѓе или 78.000 домови се евакуирани во привремени кампови за помош“, пренесува Бета.
Свет
Во Шангај се откажани над 600 летови поради тајфунот Бебинца
Аеродромите во Шангај денеска откажаа стотици летови во очекување на налетот на тајфунот Бебинцa. Повеќе од 600 летови се откажани од аеродромите Хонгкиао и Пудонг. Исто така се затвораат и дел од мостовите и автопатиштата.
Тајфунот Бебинца моментно е на неколку стотици километри од брегот. Се очекува ветровите на тајфунот вечерва да достигнат брзина од 151 километар на час, соопшти Кинеската метеоролошка управа.
Поради тајфунот евакуирани се 9.318 луѓе од една област во Шангај. Во блискиот град Жоушан утрово беа затворени рестораните, супермаркетите и продавниците, а во прекин е и јавниот превоз.
Се очекува невремето да донесе и до 254 милиметри дожд на метар квадратен, во делови од источниот брег кои ќе бидат најтешко погодени.