Свет
(Видео) Торнадото во Мисисипи направи пустош, загинаа над 20 лица
Најмалку 21 лице загина во силно торнадо кое синоќа го погоди Мисисипи. Според Си-Ен-Ен, ветрот откорнал покриви, а илјадници луѓе останале без струја.
Операцијата за пребарување и спасување на исчезнатите во невремето започна откако беше потврдено дека торнадото паднало во Силвер Сити и Ролинг Форк. Еден жител рече дека Силвер Сити е уништен.
Dear God…..there’s nothing left. Help Mississippi 🙏🏼🙏🏼🙏🏼🙏🏼🙏🏼pic.twitter.com/oak44yyabv
— Spitfire (@DogRightGirl) March 25, 2023
„Никогаш не сум видел вакво нешто. Ова беше многу добар мал град, а сега го нема“, изјави жител за „Си-Ен-Ен“.
Најмалку 13 смртни случаи беа пријавени во близина на Џексон, рече Анџела Истон, судски лекар од округот Шарки. Тројца други се мртви, а најмалку две лица се во критична состојба во округот Хемфрис, изјави за Си-Ен-Ен рано утринава директорот за управување со вонредни состојби Ројс Стид.
Во округот Керол, три лица загинаа во еден дом, изјави судскиот совет Марк Стајлс за Си-Ен-Ен, додавајќи дека се чини дека тие загинале во торнадото. Дополнително, две лица загинаа во округот Монро во североисточниот дел на Мисисипи.
JUST IN: Tornado in Mississippi 1 mile wide — Local meteorologist reports MASS CASUALTY EVENT —pic.twitter.com/gypd6qJ9DN
— Chuck Callesto (@ChuckCallesto) March 25, 2023
Во опустошениот Ролинг Форк, торнадото оштети домови и згради, собори дрвја и пукна далноводи. Торнадото се движело со брзина од 80 километри на час кога го погодило градот нешто по 20 часот, соопшти Националната метеоролошка служба.
Поради силното невреме, луѓето во Алабама, Тенеси и Мисисипи останаа заробени во своите домови без струја. Дрвата ги блокираа патиштата, а куќите беа речиси срамнети со земја.
Истото големо и разорно торнадо беше потврдено и во близина на заедницата Коила, според Националната метеоролошка служба, која издаде предупредување за најопасниот тип на торнадо за Rolling Fork, Silver City и блискиот Angleway.
So incredibly heartbreaking 💔
Please Pray for the people of Mississippi and Alabama 😞
— Scary Election Denier 🇺🇸 (@nomandatesco) March 25, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.