Европа
(Видео) Торнадо погоди делови од Франција, предизвика штети а има и повредени
Помало торнадо вчера погоди дел од северна Франција, при што беа оштетени десетици куќи, јавува Sky News.
Едно лице се здобило со полесни повреди од торнадото, соопштија локалните власти во Па де Кале.
Снимката од помалото торнадо што беше објавено на социјалните мрежи покажува огромен црн облак кој се врти во форма на торнадо.
🚨TORNADE confirmée ! Première vidéo du phénomène impactant la commune de Buhicourt dans le Pas-De-Calais. D’importants dégâts sont signalés. #France #orages #Tornade
Credit: Robin G. pic.twitter.com/89wAGa15w2
— Nahel Belgherze (@WxNB_) October 23, 2022
„Мини торнадо“ погоди делови од Франција додека земјата се подготвува за нови бури кои ќе следат по несезонското топло време.
Оштетени се околу 50 куќи во Ендекур ле Кањикур, а две семејства мораа да се преселат. Како последица на торнадото се урна земјоделски објект во општина Мори.
Снема струја и во општините Бихукур и Хендкур ле Кањикур. Торнадото ги фрли покривите на црква и уништи куќи, јавува францускиот информативен сервис BFM-TV.
⚠️ Nouvelle vidéo des dégâts engendrées par le passage d’une possible #tornade sur la commune de Buhicourt (Pas-de-Calais). Plusieurs toitures arrachées, dont celle de l’église du village. #orages #MSGU @KeraunosObs
Credit: Météo Nord-Pas de Calais pic.twitter.com/ThlW2Hr5ZM
— Nahel Belgherze (@WxNB_) October 23, 2022
Жак Билан, претставник за Па-де-Кале, го посети градот Бапаум заедно со пожарникарите и полицијата.
„Ситуацијата е под контрола, полицијата ќе обезбеди присуство во текот на целата ноќ во погодените општини“, соопштија синоќа локалните власти.
„Истокот и северот на Франција претрпеа силни бури. Неколку општини во Па де Кале беа погодени од торнадо, предизвикувајќи значителна штета. Да покажеме солидарност со жителите на погодените општини“, напиша на Твитер францускиот министер за внатрешни работи Жералд Дарманин.
Локалните власти во Па де Кале ги советуваа луѓето да останат дома и да не вршат работи и поправки на покривите. Луѓето исто така се предупредуваат да не ги допираат паднатите далноводи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Дронови во воздушниот простор на Романија во екот на рускиот напад, подигнати борбени авиони
За време на масивниот руски напад со беспилотни летала и ракети врз Украина во вторник наутро, наводно беспилотно летало влегло во воздушниот простор на членката на НАТО, Романија, соопштија украинските воздухопловни сили. Романското Министерство за одбрана потврди дека регистрирало два упади на беспилотни летала во нејзиниот воздушен простор во текот на утрото, објавува „The Kyiv Independent“.
Романското Министерство за национална одбрана објави дека околу 6:30 часот по локално време, два германски авиони „Еурофајтер Тајфун“ биле испратени да ги пресретнат беспилотните летала во округот Тулча. Еден час подоцна, два американски борбени авиони Ф-16 полетале во друга погранична област, во округот Галаци.
Министерството додаде дека Ф-16 воспоставиле радарски контакт со дронот околу 7:50 часот наутро. За среќа, немало извештаи за повредени или материјална штета во Романија. Романските власти сè уште официјално не потврдиле дали беспилотните летала биле руски.
Ова не е прв пат беспилотни летала да го нарушат воздушниот простор на НАТО. Најновиот инцидент се случува во време на зголемени тензии, при што земјите во близина на Украина, вклучувајќи ги Полска, балтичките држави и Романија, ги засилуваат безбедносните мерки од страв од прелевање на конфликтот. Честите руски напади врз украинската пристанишна инфраструктура на Дунав, веднаш надвор од Романија, го држат Букурешт во состојба на висока готовност.
Сличен инцидент се случи во септември, кога руски дрон, исто така, влезе во романскиот воздушен простор, но не беше соборен и на крајот се врати во Украина, потврди тогаш министерот за одбрана Јонут Мостеану. Украинскиот претседател Володимир Зеленски рече дека дронот навлегол околу 10 километри во романска територија и останал во воздушниот простор на НАТО речиси 50 минути.
фото: принтскрин
Европа
Зеленски бара притисок врз Русија
Украинскиот претседател Володимир Зеленски изјави дека руските напади врз Киев во текот на ноќта предизвикале „огромна штета“, додека посебен напад предизвикал „уништување“ во јужното пристаниште Одеса.
Според него, Русија испалила 22 ракети и повеќе од 460 дронови во текот на ноќта. Четири дронови влегле во воздушниот простор на Молдавија и Романија.
„Затоа сите партнери мора да запомнат дека животите мора да се спасуваат секој ден“, рече Зеленски.
„Не смее да има стагнација во помошта. Најважно е сите партнери да се движат кон дипломатија преку заеднички напори. Притисокот врз Русија мора да донесе резултати.“
Европа
(Видео) Потресни снимки од Киев: луѓе врзувале ќебиња за да избегаат од запален стан
Шокантно видео кружи на социјалните мрежи утрово по синоќешниот насилен руски напад врз Киев, главниот град на Украина. Најмалку шест лица беа убиени, а 14 беа повредени во нападот извршен со дронови и ракети.
Иако беа соборени голем број руски дронови и ракети, две станбени згради во Киев беа погодени, што предизвика пожар.
People of Kyiv improvised "ropes" out of blankets and sheets as they tried to escape from a burning apartment building hit by a Russian attack last night. https://t.co/cbInLgvY8l pic.twitter.com/WsfLuHSAQ2
— Anton Gerashchenko (@Gerashchenko_en) November 25, 2025
Поранешен советник на украинското Министерство за украински работи објави видео на Икс за кое тврди дека покажува импровизирано „јаже“ од ќебиња и чаршафи спуштено низ прозорец од страна на жителите на Киев во обид да избегаат од една од погодените згради, која се запали по рускиот напад.

