Свет
(Видео) Трамп: Ѝ кажувам на Меланија за прекрасниот разговор со Путин, а таа ми кажува дека тој повторно нападнал

Претседателот на САД, Доналд Трамп, на денешната прес-конференција во Белата куќа, опиша еден од неговите неодамнешни разговори со рускиот претседател Владимир Путин, откривајќи како овие разговори можат да бидат целосно несоодветни за реалноста на теренот.
„Се враќам дома и ѝ велам на Првата дама: Денес разговарав со Владимир и имавме прекрасен разговор. А таа рече: О, навистина? Уште еден град беше погоден“, рече Трамп, алудирајќи на руските напади врз Украина.
Денес, Трамп објави пакет нова воена помош за Украина, кој ќе се спроведе преку модел во кој САД произведуваат и продаваат оружје на членките на НАТО, кои потоа го испраќаат во Киев. Тој истакна дека на Украина итно ѝ е потребна опрема и дека САД ќе испорачаат „најмодерно оружје“, додека европските земји ќе ги платат сите трошоци.
Trump: "I go home and tell the first Lady, I spoke to Vladimir (Putin) today and we had a wonderful conversation. She said: "Oh really? Another city was just hit…" pic.twitter.com/DXXwF8Vgm5
— 🪖MilitaryNewsUA🇺🇦 (@front_ukrainian) July 14, 2025
Во исто време, Трамп се закани дека ќе воведе 100 отсто царини за Русија доколку не се согласи на договор за завршување на војната во рок од 50 дена. Тој, исто така, најави таканаречени секундарни санкции за сите земји што продолжуваат да купуваат руска нафта, што подоцна беше потврдено од Белата куќа.
Иако тврди дека сè уште комуницира со Путин и дека разговорите се пријатни, Трамп јасно стави до знаење дека ова не значи ништо кога ракетите ги погодуваат украинските градови. Неговите денешни пораки, како и соработката со генералниот секретар на НАТО, Марк Руте, претставуваат јасен пресврт кон посилна воена и политичка поддршка за Украина, по месеци неизвесност и спротивставени сигнали од Вашингтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Руски научници развија ново соединение за борба против ракот

Експерти од Државниот универзитет во Мари и Федералниот истражувачки центар „Уфа“ при Руската академија на науките развија ново хемиско соединение што би можело да стане основа за создавање иновативни лекови против тумори, објави Министерството за наука и образование на Русија.
Ова соединение дејствува селективно на туморските клетки, речиси без да ги оштети здравите клетки, а неговата молекуларна структура комбинира фенотијазинска и трифенилфосфониумска група.
Благодарение на оваа комбинација соединението ја таргетира слабата точка на туморските клетки – митохондриите и ја нарушува нивната работа, објавува „РИА новости“.
„Резултатите од истражувањето покажаа дека новото соединение ефикасно го потиснува растот на разни малигни клетки, вклучувајќи рак на црниот дроб, аденокарцином на белите дробови, колоректален карцином и леукемија. Активноста се манифестира дури и при ниски концентрации, што го прави соединението особено ветувачко за развој на лекови“, рече Константин Белослудцев, доктор по биолошки науки и проректор за иновации на Државниот универзитет во Мари, објавува „Танјуг“.
Како дополнителна предност, Белослудцев ја истакна едноставноста на синтезата на соединението, што овозможува негово производство во доволни количини за претклинички и клинички испитувања. Овие студии се спроведени во рамките на програмата „Приоритет 2030“, пренесува медиумот.
Свет
Стаб: Се надевам дека кај Трамп набргу ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинската држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание по слични најави од Франција и Велика Британија, пренесува „Ројтерс“.
„Ставот на федералната влада е јасен во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин