Свет
(Видео) Три лица загинаа, десетици се повредени во големиот пожар кај Анталија
Три лица загинаа, а повеќе десетици се во болница во шумскиот пожар што се прошири во одморалиштето Манагвата, во близина на Анталија, на југот на Турција.
Евакуирани се 20 градски области и соседните села, 112 лица се повредени, од кои 58 се хоспитализирани, главно поради труење со чад.
Osmaniye, Adana, Mersin, Muğla, Antalya ve Kayseri GEÇMİŞ OLSUN!
İÇİMİZ YANIYOR ? #yangın pic.twitter.com/asN7fK2Ew1
— AK Parti Erdemli Kadın Kolları (@akparti_erdemli) July 29, 2021
Министерот за земјоделство и шумарство, Бекир Пакдемирли, рече дека пожарот што избувна вчера е ставен под контрола и дека денеска не се загрозени имоти и луѓе.
Српската пејачка Јелена Карлеуша е една од туристите што се најдоа во Турција за време на оваа голема катастрофа. Таа објави видео од брод со кој се евакураиле гостите од хотелот над кој се гледаат пламени јазици.
View this post on Instagram
Еден противпожарен авион, 19 хеликоптери, околу 250 возила и 960 лица биле дел од гаснењето на пожарот. Властите евакуираа 18 села во одморалиштето Анталија, а уште 16 села беа евакуирани во соседните провинции Адана и Мерсин.
Телевизиските снимки во Турција пренесуваат слики од опожарени станбени згради и луѓе што бегаат од полињата додека пожарникарите се борат со огнот.
WATCH: Massive forest fires destroyed at least one village in southern Turkey and forced four other neighbourhoods to evacuate, as residents banded together to try and save their properties and belongings. pic.twitter.com/1vCRzB0pyX
— Middle East Eye (@MiddleEastEye) July 29, 2021
Официјалните лица изјавија дека пожарите биле најголеми досега. Пакдемирли рече дека од вторникот се пријавени 41 пожар во 13 од 81 покраина во Турција, од кои 31 се ставени под контрола.
At least three people were killed and hundreds have been evacuated as a forest fire rages through southern Turkey. pic.twitter.com/uY8dRRdhBa
— DW News (@dwnews) July 29, 2021
Турција се бори со серија катастрофи предизвикани од екстремните временски услови ова лето вклучувајќи ги и поплавите минатиот викенд, во кои загинаа шест лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Меѓународниот суд на правдата побара апсење на Нетанјаху за наводни воени злосторства
Меѓународниот суд на правдата побара налог за апсење на израелскиот премиер Бенјамин Нетанјаху за наводни воени злосторства, објави Ројтерс.
„Постојат разумни основи да се верува дека израелскиот премиер Нетанјаху сноси кривична одговорност за воени злосторства и злосторства против човештвото“, рече обвинителот на Меѓународниот суд на правдата.
Регион
Таткото на осомничениот за убиството на Данка Илиќ излегува на слобода
Радослав Драгијевиќ (70), татко на Дејан Драгијевиќ (50), кој заедно со неговиот колега Срѓан Јанковиќ (50) е осомничен за убиството на двегодишната Данка Илиќ од Бор, двомесечниот притвор во кој беше задржан за кривичното дело помагање на сторителот завршува на 29 мај по стореното кривично дело, а на крајот на мај ќе биде пуштен на слобода, објави српски „Блиц“.
Како што изјавиле за „Блиц“ од Вишото јавно обвинителство Заечар, за ова кривично дело нема законска можност за продолжување на притворот, а се очекува Радослав Драгијевиќ да биде ослободен на 29 мај.
Од обвинителството известиле дека ќе предложат и продолжување на притворот за главните осомничени Дејан Драгијевиќ и Срѓан Јанковиќ.
Данка Илиќ беше убиена на 26 март годинава. За тоа дело се осомничени Дејан Драгијевиќ од Злот и Срѓан Јанковиќ од Лука, двајцата работници на ЈКП „Водовод“ Бор, кои се во притвор.
Во полиција беше приведен и братот на Дејан, Далибор Драгијевиќ, кој почина во полициската станица во Бор.
Свет
Јужна Кореја го забрани пристапот до видео во кое се велича Ким Џонг-ун како голем лидер
Јужнокорејскиот медиумски регулатор денеска соопшти дека го забранува пристапот до севернокорејското пропагандно музичко видео за кое се вели дека „го идолизира и велича“ севернокорејскиот лидер Ким Џонг Ун како „пријателски татко“ и „голем водач“.
Регулаторот рече дека одлуката за забрана на видеото дошла откако властите на разузнавачката агенција побарале да се провери дали видеото го прекршило јужнокорејскиот закон.
Видеото стана хит на социјалните мрежи ширум светот, бидејќи беше поставено како краток клип на ТикТок и други платформи, објави Ројтерс.