Свет
(Видео) Украински дронови запалија складиште за нафта во Русија, а нападнаа град 1.500 километри оддалечен од украинската граница
Украински беспилотни летала напаѓаат подлабоко во Русија. Тие го нападнаа градот Котелнич во руската Кировска област, а погодено е и складиште за нафта во Ростов.
Според гувернерот Киров, руската противвоздушна одбрана соборила два беспилотни летала додека три „паднале“ и предизвикале пожар во близина на нафтениот погон Зенит.
Беспилотните летала биле цели на резервоар со нафтени деривати, тврди гувернерот.
Ukrainian drones attacked #Kirov oblast, more than 1400 km from the border with Ukraine, for the first time. The drone attack set on fire at least two oil reservoirs at Zenit plant located in #Kotelnich that belongs to Rosrezerv (russian strategic reserves).
Local residents… pic.twitter.com/DF1n3HTJBq— Olga Klymenko (@OlgaK2013) August 28, 2024
Нема информации за жртви или материјална штета. Соколов рече дека ситуацијата е „под контрола“.
Котелнич се наоѓа на околу 1.500 километри од украинската граница. Ова е прв извештај за напад со беспилотно летало врз руската област Киров од почетокот на руската инвазија на Украина.
Според податоците на руското Министерство за одбрана, противвоздушната одбрана во текот на ноќта соборила осум беспилотни летала над регионот Воронеж и четири над Ростовската област.
Украинската војска официјално не ги коментираше извештаите, кои не можат да бидат независно проверени.
Претходно, каналот „База телеграм“, кој е близок до руските безбедносни служби, објави дека три цистерни горат во складиштето за нафта Каменски, откако два дрона паднале во областа.
„Нема жртви“, рече гувернерот на Ростов Василиј Голубев на апликацијата за пораки Телеграм за нападот во областа Каменски.
„Пожарникарите го гаснат пожарот“.
Ukrainian forces struck the Atlas oil plant in the Kamensky district, Rostov region, in Russia. At least two oil tanks are burning and more are about to be affected.
The local Russian regime authorities fear a similar scenario as in Proletarsk, where the fire is still raging. pic.twitter.com/62E7zOmN1a
— (((Tendar))) (@Tendar) August 28, 2024
Ројтерс успеа да идентификува едно од видеата, снимено во областа Каменски во Ростов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Крај на драмата во Шпанија: мажот што ги избоде родителите пренесен во болница
Четириесетгодишен маж, кој се забарикадирал во населбата Сан Адријан во Билбао, откако ги избоде родителите, се фрли од балконот. По падот бил префрлен во затворската болница.
Двете постари лица, родители на дотичниот маж, рано попладне биле пренесени на лекување, пренесе Ел Мундо.
Според шпанскиот портал, мажот за кој се претпоставува дека е на психолошки третман, а кој ги нападнал родителите, а потоа скокнал од балкон, утрово доживеал необична несреќа кога со своето возило паднал од четврти кат на паркингот на аеродромот во Лоиу.
Автомобилот бил пронајден уништен, но возачот исчезнал без трага до моментот на нападот.
Свет
Папата ги критикуваше Харис и Трамп, на католиците им порача: Мора да го изберете помалото зло
Папата Франциско го критикуваше поранешниот американски претседател Доналд Трамп за неговиот план да депортира милиони имигранти и американската потпретседателка Камала Харис за поддршката на правата за абортус.
На прашањето за американските претседателски избори на летот од Сингапур до Рим, папата Франциско рече дека неприфаќањето мигранти е „тежок“ грев, а абортусот го спореди со „убиство“.
Тој рече дека американските католици ќе мора „да го изберат помалото зло“ на изборите во ноември.
Франциско им зборуваше на новинарите по исцрпувачката 12-дневна турнеја низ Југоисточна Азија и Океанија. Иако Папата не ги спомна Трамп и Харис по име, тој посебно се осврна на нивната политика. И покрај тоа што ги критикуваше двајцата кандидати, тој рече дека католиците треба да гласаат на изборите.
„Треба да го изберете помалото зло. Кој е помалото зло? Таа дама или тој господин? Не знам. Секој со совест (мора) да размислува и да го направи тоа“, рече 87-годишниот папа Франциско.
Тој претходно ја критикуваше антиимигрантската реторика на Трамп. Во 2016 година, Папата рече дека Трамп „не е христијанин“ во своите ставови.
А денеска рече дека политиките на двајцата кандидати е „против животот“.
„Без разлика дали е тој што протерува мигранти или тој што убива деца. И двајцата се против животот“, рече папата Франциско.
Регион
(Фото) Грчки нуркачи го чистеа морето кај Солун, пронајдоа „цел возен парк“
Тим од 20 нуркачи волонтери го чистеа брегот кај Солун и извлекоа неочекуван „улов“ од водата: цела флота возила, наведуваат на страницата Никана.гр.
„Дваесет нуркачи волонтери, со помош на други членови на тимот и механизација, го чистеа брегот кај Солун на потегот од Белата кула до првото пристаниште. Како што можете да видите на сликите, „фатен е“ цел арсенал на превозни средства“, скутери, велосипеди, па дури и помали мотори. Им честитаме на волонтерите и секако ги поддржуваме ваквите акции кои придонесуваат за почиста морска средина“, беше наведено заедно со фотографии од местото на настанот.
Многумина беа шокирани, на луѓето не им е јасно како и зошто сето ова се нашло на морското дно, а објавата брзо стана вирална како предупредување за околината.