Европа
(Видео) „Уништивме голем десантен руски брод“, украинските разузнавачи објавија снимка од нападот
Голем руски десантен брод „Цезар Куников“ е потопен со помош на поморски беспилотни летала „Магура В5“, соопшти Одбранбената разузнавачка служба на Украина. Според достапните информации, нападот се случил во Црното Море во близина на градот Алупка на окупираниот Крим.
„Одбранбената разузнавачка служба на Украина во соработка со сите компоненти на безбедносните и одбранбените сили на Украина го уништи големиот десантен брод Цезар Куников, кој припаѓа на Црноморската флота на агресорската држава Русија. Успешната мисија е извршена од страна на специјалните сили на групата 13 на Одбранбената разузнавачка служба на Украина“, се вели во соопштението.
„На левата страна се појавија големи дупки и „Цезар Куников“ почна да тоне. Симболично е што пред точно 81 година (14 февруари) беше убиен рускиот офицер по кој беше именуван бродот. Акцијата за пребарување и спасување на окупаторот беше неуспешна. Слава на Украина“, изјавија украинските разузнавачи, кои објавија и видео од нападот.
Тие додадоа дека се работи за еден од најновите руски бродови. Бродот можеше да прими 87 членови на екипажот, а учествуваше и во војните во Грузија, Сирија и Украина. На почетокот на руската сеопфатна инвазија на Украина, „Цезар Куников“ беше закотвен во окупираниот Бердјанск и претрпе штета кога украинските сили го потопија десантниот брод Саратов.
Про те, що в Чорному морі щось дійсно сталося, свідчать вертольоти Мі-8 і Ка-27, які літають низько над водою в районі Фороса-Кацівелі-Алупки. Відео з Telegram-каналу "Кримський вітер" pic.twitter.com/DrtMYlg73Y
— Українська правда ✌️ (@ukrpravda_news) February 14, 2024
Руското Министерство за одбрана соопшти дека нивните сили за воздушна одбрана синоќа собориле шест беспилотни летала во Црното Море. Во исто време, неколку канали на Телеграм објавија дека нешто гори во морето меѓу Алупка и Кацивели.
В Чорному морі щось палало. Джерела УП в ГУР кажуть, що підбили черговий корабель ЧФ РФ. Він нібито затонув. Відео з Telegram-каналу "Кримський вітер" pic.twitter.com/00ebSlZ7BM
— Українська правда ✌️ (@ukrpravda_news) February 14, 2024
Два хеликоптери Ми-8, исто така, наводно кружеле ниско над водата во областа. Подоцна бил забележан хеликоптер за пребарување и спасување Ка-27.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.
Европа
Едногодишно бебе паднало низ прозорец во Австрија: „Се обиде да се држи за саксија“
Едногодишно Ддтенце паднало од прозорец на станбена зграда во Отакринг, Австрија и се здобило со сериозни повреди на главата.
18-месечното бебе паднало од прозорец во четвртокот околу 20 часот додека родителите биле во другата соба, зафатени со другото бебе, јавуваат австриските медиуми.
„Се качи преку трпезариската маса на прозорецот од кујната и се лизна надолу“, раскажува сведок.
Како што објаснил, детето се обидело да се потпре на саксија што стоела на прозорецот.
Меѓутоа, бидејќи саксијата не била соодветно потпрена, се превртела и паднала, а момчето паднало по неа.
Малото момче се здобило со сериозни повреди на главата поради што е хоспитализирано и сместено на одделението за интензивна нега.
Според првичните информации, неговиот живот не е во животна опасност.
Австриската полиција ги приведе родителите поради сомнение дека од небрежност му нанеле телесни повреди на нивниот син.