Свет
(Видео) Ураганот Грејс стигна во Мексико – загинаа најмалку осум луѓе
Најмалку осуммина загинаа во налетот на ураганот Грејс на мексиканскиот брег. Ураганот со себе донесе обилни дождови, кои предизвикаа големи поплави и лизгање на земјиштето. Поради невремето откажани се летови, затворени се патишта, а над 560.000 луѓе се без струја.
Грејс го погоди Мексико како ураган од трета категорија, според Сафир-Симпсоновата скала од пет категории.
Hurricane Grace is set to make landfall in Mexico for a second time, packing 70-mph winds and threatening flash floods, only a day after it tore through the country’s main tourist strip https://t.co/I8ypBLpNWX pic.twitter.com/vSV0TyUTPa
— Bloomberg Quicktake (@Quicktake) August 21, 2021
Силните ветрови достигнаа јачина од над 200 километри на час, кога Грејс го погоди брегот во близина на одморалиштето Теколутла, во сојузната држава Веракруз.
Според властите, осум лица загинале, од кои шест се членови на исто семејство.
Tras el paso del huracán Grace por México, fueron vistos ataudes flotando por las calles inundadas de Xalapa#HuracanGrace #Mexico #Xalapa #Inundaciones #Lluvias #iranpress pic.twitter.com/zuyVk0tprS
— SpanishIranpress (@Spainiranpress) August 22, 2021
Сите жртви, освен една, се пријавени во Халапа, главниот град на Веракруз, вклучително и девојка која починала кога нејзината куќа била уништена при свлечиште, соопшти владата. Гувернерот на Веракруз, Китлауак Гарсија на прес -конференција рече дека едно возрасно лице загинало при уривање на покривот во северниот град Поза Рика, пренесува „Ројтерс“.
„Вонредната состојба се уште не е помината“, нагласи тој.
Локалните телевизии прикажаа снимки од поплавите во главниот град на Веракруз, Чалапи, на кои можеше да се види како пловат по улиците ковчези на погребниот дом. Властите соопштија дека блиската река Актопан се излеала, поради што автопатот бил затворен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.