Европа
(Видео) Франција почна да прави еколошки заштитни маски од коноп
Француската компанија „Геошавр“ започна со продажба на заштитни маски против коронавирусот направени од влакна од коноп, објави радио „Франс блу.
Компанијата, основана во 2014 година, се наоѓа во градот Лезин во департманот Јона (Бургундија, југоисточно од Париз). Специјализирана е за производството на филц, лен и неткаен текстил на база на растителни влакна како лен, коноп или коприва.
Проектот за заштита од коноп е развиен од експерти на компанијата уште од оваа пролет. Капацитетот на филтрирање на маската е 89 проценти. Внатрешноста на маската е покриена со тенок слој ткаенина за помалку да му пречи на лицето.
Проаѓањето на воздухот низ ткаенината и неговата филтрација се обезбедуваат без употреба на какви било дополнителни средства, објасни директорката на компанијата, Стефани Говен.
Покрај тоа, користената маска не ја загадува животната средина, туку ја наѓубрува, бидејќи е биоразградлива. За време на нејзиното производство не се создава загадувачки отпад – оваа технологија користи само вода под притисок.
Оваа француска компанија веќе произведува 5.000 маски дневно во форма на клун од патка – тоа е добро познатата стандардна маска-респиратор PP2, која не се лепи за устата, за разлика од медицинската.
Повеќе од 1,5 милион маски се веќе произведени и испратени до клиентите во департмано Јона по цена од 0,65 евра. Цените се пониски од цените на конвенционалните медицински маски, кои се продаваат по цена од 0,8 до 1 евро. Исто така, за маските од коноп, цената се намалува во зависност од количината на нарачката.
Компанијата вработува претежно лица со попреченост. Користените суровини се домашни – тие се набавуваат од фарми лоцирани во радиус од 200 км. На конопот не се користат пестициди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.