Свет
(Видео) Целосното затемнување на сонцето предизвика спектакуларни глетки во Јужна Америка

Целосното затемнување на сонцето мина како спектакуларна небесна појава која ги фасцинира жителите на Јужна Америка, а феноменот го следеа илјадници луѓе кои се собраа за да бидат сведоци на истиот.
Затемнувањето почна од правец на Тихиот Океан, а појасот на видливото затемнување се протегаше над Чиле и Аргентина.
Како што јави Би-би-си, овој спектакл беа во можност да го набљудуваат и снимаат локалните ентузијасти, но, исто така, и најмоќните телескопи во светот.
Оние што го следеа ова затемнување можеа да уживаат во сите фази, проследени со неверојатни светлосни ефекти.
Check out this view of the total solar eclipse from today in South America. Taken by Reuben Wu in northern Chile, you’re looking at the Pacific Ocean as the moon’s shadow stretches across the coastal mountains. #eclipse2019 #solareclipse
?: Reuben Wu pic.twitter.com/m0eLT6IQtK— WIRED (@WIRED) July 3, 2019
Првиот и единствен дел од Земјата во Тихиот Океан, кој се наоѓаше на патот на затемнувањето беше малиот остров Оен.
Овој ненаселен остров бил во тотален мрак речиси три минути, вчера со почеток во 10:24 часот по локално време, или околу 19:24 според овдешното сметање на времето.
WOW….. Fabulous capture of the #SolarEclipse2019 yesterday afternoon 2nd of July in Venado tuerto, Argentina! Photos via Andrea magnani; #severeweather #EarthCapture #solareclipse pic.twitter.com/5q83uW83fW
— WEATHER/ METEO WORLD (@StormchaserUKEU) July 3, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.