Европа
(Видео) „Четири земји би можеле да бидат во опасност ако Украина падне“, вели Зеленски

Украинскиот претседател Володимир Зеленски предупреди дека четири земји би можеле да бидат во опасност доколку Украина падне. Во видеото што го објави советникот на министерот за внатрешни работи на Украина, Антон Герашченко, Зеленски вели дека четирите балтички земји би можеле да бидат следната цел на рускиот претседател Владимир Путин.
„Литванија, Летонија, Естонија, Молдавија може да бидат следни. И тоа е сигурно ако не издржиме“.
Зеленски вчера ненадејно отпатува за Литванија, а во наредните денови треба да ги посети Летонија и Естонија. Тој во Литванија се заблагодари за новиот одобрен пакет-помош за Украина потсетувајќи дека Русија во последните неколку месеци веќе им се закани на некои земји, пишува „Индекс.хр“.
“Lithuania, Latvia, Estonia, Moldova may be next. And it is certain if we do not withstand. We have heard recently that they have started talking about Finland, they have started talking about the independence of Uzbekistan, and so on. He [Putin] will not finish this until we… pic.twitter.com/dQbqihEsbv
— Anton Gerashchenko (@Gerashchenko_en) January 10, 2024
„Неодамна слушнавме дека почнале да зборуваат за Финска, почнале да зборуваат за независноста на Узбекистан и така натаму. Путин нема да запре додека колективно не го спречиме“, рече Зеленски.
Путин ѝ се закани на Финска дека ќе има проблеми доколку влезе во НАТО, а по Финска, во НАТО треба да влезе и Шведска, која исто така неодамна ги предупреди своите граѓани за зголемен ризик од војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение за загриженоста на земјата-членка во врска со снабдувањето со енергија, изјави вчера премиерот Роберт Фицо.
„Словачката Република нема да го поддржи предложениот 18-ти пакет санкции против Руската Федерација доколку Европската комисија не понуди вистинско решение за кризата што ќе ја зафати Словачка по целосното прекинување на снабдувањето со гас, нафта и нуклеарно гориво од Русија“, напиша Фицо на Фејсбук.
Словачка, која граничи со Украина и е членка на ЕУ и НАТО, е во голема мера зависна од руската енергија. Прекинот на протокот на руски гас низ Украина влијаеше на снабдувањето, предизвикувајќи спорови со Киев и загриженост во Братислава.
Словачкиот парламент минатата недела со тесно мнозинство одобри необврзувачка резолуција со која се повикуваат владините претставници да се спротивстават на какви било идни санкции што се сметаат за штетни за економијата на земјата.
Фицо, левичарски националист, постојано јавно ги критикуваше поединечните санкции на ЕУ, тврдејќи дека тие ќе ѝ наштетат на Словачка повеќе отколку на Русија. Но, за разлика од конзервативниот премиер на Унгарија, Виктор Орбан, Фицо и други словачки владини претставници на крајот ги поддржаа сите санкции против Русија без исклучок.
Европа
Жителите на Грац запалија свеќи во центарот на градот за да оддадат почит на жртвите од нападот

Граѓаните на Грац се собраа на главниот плоштад во градот за да запалат свеќи и да им оддадат почит на жртвите од пукањето.
Фотографиите покажуваат како луѓето оддаваат почит во тишина додека градот се обидува да го разбере трагичниот напад.
Се огласи училиштето каде што се случи масакрот
БОРГ Драјершуценгасе, средното училиште во северозападен Грац каде што се случи пукањето, објави порака на Инстаграм по трагедијата. Пораката е напишана на германски јазик, официјалниот јазик на Австрија.
„Ова беше ужасен ден кој длабоко нè погоди и шокираше сите нас. Да продолжиме да се држиме заедно како училишна заедница и да се поддржуваме едни со други. Вашите наставници и вашиот директор“, се вели во пораката.
Според првичните извештаи, во училиште во Грац околу 10 часот вчера наутро се случило пукање. Најмалку 11 лица се мртви, вклучувајќи го и напаѓачот. Уште 11 лица се повредени во нападот, од кои седум се во критична состојба.
Европа
(Видео) Масовен напад врз Харков, гори станбена зграда: има мртви и многу повредени

Во новите руски напади врз североисточниот украински град Харков во текот на ноќта во вторник загинаа две лица, а повеќе од 50 беа повредени, соопштија украинските власти. Интензивните напади од 17 беспилотни летала запалија 15 станови во петкатна зграда и предизвикаа штета во други делови од градот, изјави градоначалникот на Харков, Игор Терехов.
„Повеќекатните згради, приватните домови, игралиштата, бизнисите и јавниот превоз беа директно погодени“, објави Терехов на апликацијата за пораки Телеграм. „Становите се во пламен, покривите се уништени, автомобилите горат, прозорците се скршени“, рече тој.
Pure nightmare in Kharkiv.
Attacking civilians at night when they are sleeping in their homes is russia's bloody strategy.
But the world doesn't give a damn about these innocent people. pic.twitter.com/863ZqupQPv
— Iryna Voichuk (@IrynaVoichuk) June 10, 2025
Девет од 54 повредени се хоспитализирани, вклучувајќи двегодишно девојче и 15-годишно момче, изјави регионалниот гувернер Олех Синехубов на Телеграм. Тој додаде дека биле погодени неколку станбени згради и автобуска станица.
Харков, вториот по големина град во Украина, на помалку од 50 километри од руската граница, беше цел на катастрофални ноќни напади во текот на изминатата недела.
Во текот на ноќта од петок до сабота, имаше околу 50 експлозии, што е најмоќниот напад врз градот од почетокот на војната, според украинските власти. Најмалку три лица беа убиени, а 17 беа ранети.
😰 Horrifying scenes from the aftermath of the Russian attack on Kharkiv. So far, 54 people have been injured and 2 confirmed killed. #StopRussianAggression #Kharkiv pic.twitter.com/v0ECmpI5lB
— Iuliia Mendel (@IuliiaMendel) June 11, 2025
Сè уште нема знаци за прекин на огнот, а Украина и Русија во вторник ја завршија втората фаза од големата размена на затвореници, единствениот конкретен пробив во неодамнешните мировни преговори во Истанбул. Ниту една страна не објави колку затвореници се разменети.
Москва и Киев неодамна се согласија во Истанбул да разменат најмалку 1.000 затвореници од секоја страна, како и неколку илјади тела на загинати војници, но планот беше полн со компликации.