Европа
(Видео) Човек го снимал напаѓачот во Прага: „Еј, тука сум, пукај овде! Дојди овде!“

Во пукање на факултет во центарот на Прага загинаа повеќе од 15 луѓе вклучувајќи го и напаѓачот, а над 30 се повредени. На снимката направена во присуство на интервентната полиција се гледа дека напаѓачот во текот на пет минути пукал дури тринаесет пати. На видеото се гледа човек во црна облека и со долга пушка во рака – тип ZEV 308 Win AR10, во калибар од 7,62, како оди на тротоарот, понекогаш се крие зад камената ограда, и пука најмалку тринаесет пати.
#WATCH 🔴 The death toll in the shooting at Charles University has increased to 15, according to the police. In the video, students can be seen jumping out of windows to escape the gunman ‼️#prague #CzechRepublic #shooting #DavidKozak pic.twitter.com/fprHThW5CX
— Voice of Europe 🌍 (@V_of_Europe) December 21, 2023
Порталот „Сезнам зправи“ добил увид во споменатата снимка, која дошла од полициски извори, но бидејќи нема авторски права, не можела да ја објави. Затоа ги опиша најважните настани од снимката. „Се криеше! Левата страна, од моја гледна точка. Ајде тргнувајте“, се слуша како авторот на видеото ја повикува полицијата на акција. „Пука! Пука низ оградата!“, додава тој.
BREAKING: Footage show students hiding on a ledge during an ongoing mass shooting in University in Prague pic.twitter.com/8j5bkHInwd
— Lore of the Land (@LoreOfTh3Land) December 21, 2023
На снимката се слушаат звуци и полицаецот кој зборува на полициското радио додека напаѓачот клечи покрај камената ограда. „Во аголот е! До чешкото знаме, во горниот агол, на шеталиштето, кај Филозофскиот факултет“, опишува полицаецот.
„Дојди овде!“, ги предупредува снимателот сите околу него. На видеото се гледа како напаѓачот се оддалечува и потоа почнува да пука. Тогаш авторот на видеото направи нешто неочекувано и крајно храбро. „Јас сум тука, пукај овде! Дојди овде!“, се обиде да го сврти вниманието на напаѓачот кон него. Полицаецот му вели да се скрие, но снимателот не се откажува: „Еве ме, тука сум, пукај овде!“
На видеото се гледа како луѓето бегаат. Потоа повторно се слуша полициското радио. Полицаецот известува дека на влезот на Филозофскиот факултет пристигнале патрола и брза помош.
„Треба да им се каже дека може да влезат внатре, дека напаѓачот е на покривот“, вели полицаецот. Во меѓувреме, напаѓачот се префрла на другата страна на зградата и повторно почнува да цели. Се слуша како пристигнуваат сѐ повеќе полициски автомобили и амбулантни возила.
„Препорачувам ударна сила: снајпер од мостот“, се слуша како вели офицерот. Тогаш авторот на видеото повторно ѝ вели на полицијата да пука:
„Ајде пукај!“ Напаѓачот потоа станува и го вперува оружјето кон некого на улица. Се слушаат уште два истрела. Наводно во тој момент почнала да пука и полицијата, но снимката завршува таму и не е јасно дали тогаш напаѓачот бил погоден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Фото+видео) Опасна бура во Словенија: паѓаше град со големина на јајце, издадено портокалово предупредување

Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Европа
Финска, Норвешка и Шведска под жештина невидена од 1961 година

Земјите од Северна Европа, познати по својата студена клима, се соочуваат со интензивни топлотни бранови, со температури над 30 степени Целзиусови во подолг временски период.
Во норвешкиот дел од Арктичкиот круг, метеоролошките станици регистрирале температури над 30 степени Целзиусови дури 13 дена во јули, додека Финска имала три последователни недели со температури од 30 степени, пишува денес британскиот „Гардијан“.
Според научниците, тоа е најдолгиот период според историските податоци од 1961 година, а трае 50 проценти подолго од претходниот рекорд.
„Топлотниот бран е сè уште во полн ек, со максимални температури денес околу 32-33 степени. Дури и арктичките региони забележаа три недели со температури над 25 степени и може да ги соборат своите августовски температурни рекорди утре“, изјави Мика Рантанен, климатолог во Финскиот метеоролошки институт, во објава на социјалните мрежи.
Норвешкиот метеоролошки институт соопшти дека температури над 30 степени се регистрирани 12 дена во јули во најмалку една станица во трите најсеверни покраини на Норвешка.
Во Шведска, метеоролозите, исто така, регистрираа продолжени топлотни бранови во неколку северни градови, при што метеоролошката станица во Хапаранда регистрираше температури од 25 степени или повеќе 14 дена по ред.
Овие топлотни бранови, кои ја погодија северна Европа кон средината на јули, беа предизвикани од топлите води покрај северниот брег на Норвешка, кои ги покачија температурите во нордиските земји за осум до 10 степени над сезонските норми.
Поради интензивен топлотен бран, лизгалиште на мраз во северна Финска ги отвори вратите за луѓе кои бараат засолниште од жештината, откако локалните болници беа преполни, а сточарите предупредија дека нивните ирваси се на работ на смртта од жештината.