Свет
(Видео) Швеѓаните излегоа на улица против владините ковид мерки

Хаос на протестите во Стокхолм. Шведската полиција се обидува да ги растера демонстрантите кои се собраа против забраните воведени за спречување на ширењето на коронавирусот, кои организираа протест во главниот град на Шведска. Протестот беше организиран и покрај забраната за големи собири.
Полицијата го блокираше мостот во центарот на градот и на нејзината веб-страница пишува дека води дијалог со организаторите за да ги убеди демонстрантите да се разотидат, пишува „Ројтерс“.
Како што пренесуваат тамошни медиуми, еден полицаец е полесно повреден и пренесен во болница.
Според шведскиот дневен весник „Дагенс Нихетер“, демонстрантите пристигнале од повеќе делови на земјата каде што е во сила забрана за јавни собири на повеќе од осум лица.
Шведска, која има 10 милиони жители, во петокот регистрираше 4.831 нов случај на коронавирус и 26 нови смртни случаи, вкупно 13.003 смртни случаи од Ковид-19.
Владата минатиот месец објави дека ќе го скрати работното време на рестораните, баровите и кафулињата и ќе ги засили ограничувањата на бројот на луѓе дозволени во продавниците, во обид да се избегне трет бран на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.