Свет
(Видео) Шестмина загинати во вооружена престрелка во Австралија, меѓу жртвите се и двајца полицајци

Австралиската полиција соопшти дека шест лица се убиени во вооружен напад на оддалечен имот во државата Квинсленд.
Меѓу убиените има и двајца помлади припадници на полицијата, врз кои осомничените отвориле оган.
Полицијата одговорила на повик во градот Виџамбила, а по нападот интервенирале и припадници на специјалната полиција. Убиени се тројца осомничени, двајца мажи и една жена. Загина и соседот кој случајно се нашол на местото на инцидентот.
Six people, including two police officers, have been killed in a gunfight at a remote home in Australia's Queensland state.
Sky's @nicolejohno has the latesthttps://t.co/HpGR9gyPH0
📺 Sky 501, Virgin 602, Freeview 233 and YouTube pic.twitter.com/DeMxRkqIOe
— Sky News (@SkyNews) December 13, 2022
Локалните медиуми објавија дека еден од убиените напаѓачи бил активен на онлајн форумите кои се занимаваат со теории на заговор.
Според агенцијата АП, полицајци дошле на имотот за да ја истражат пријавата за исчезнато лице кое се барало околу една година.
Четворица полицајци отишле на имотот да ги истражат наводите од дојава, двајца биле убиени во напад на вооружени лица, а еден бил полесно ранет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров: Палестинското прашање и понатаму останува нерешено

Рускиот министер за надворешни работи Сергеј Лавров изјави дека мировниот план за Газа на Доналд Трамп не го решава целосно израелско-палестинскиот конфликт, пренесе RT.
Тој нагласи дека Русија го оценува планот како „најдобро што моментално е на преговарачката маса“, но додаде дека „палестинското прашање со тоа не е решено“.
Лавров порача дека конечно решение би било можно само со создавање на палестинска држава во границите од 1967 година, во согласност со резолуциите на ОН, и повтори дека Москва останува посветена на решението со две држави.
Свет
Трамп: Не сум сигурен дека ќе влезам во рајот, но на многумина им го разубавив животот

Американскиот претседател Доналд Трамп изјави дека не е сигурен дека ќе може да влезе во рајот, но додаде дека на многумина им го направил животот подобар.
Изјавата ја даде во претседателскиот авион Air Force One. За време на летот, еден од новинарите што го придружуваа 79-годишниот претседател го праша за неговите претходни коментари кои ги дал во контекст на преговорите за мировниот договор во војната меѓу Русија и Украина.
Трамп уште во август, во емисијата „Fox and Friends“, изјави: „Ако можам да спасам 7.000 луѓе неделно, мислам дека тоа е прилично добро – сакам да се обидам да влезам во рајот, ако е можно. Слушам дека не ми оди добро. Навистина сум на дното на листата. Но ако успеам да влезам во рајот, ова ќе биде една од причините“
На прашањето дали неговите шанси се подобриле по договорот меѓу Израел и Хамас, Трамп сега одговори: „Малку се шегувам. Мислам дека ништо нема да ме одведе во рајот. Можеби не сум предодреден за тоа. Можеби сум во рајот токму сега, додека летаме со Air Force One,“ рече Трамп.
Тој повторно ја обвини администрацијата на Џо Бајден за неспособност и додаде дека војната во Украина никогаш немаше да се случи доколку изборите во 2020 година не биле наместени.
Свет
Египетскиот претседател до Израелците: Претворете го овој историски момент во нов почеток

Египетскиот претседател Абдел Фатах ал-Сиси ги повика Израелците моментот на потпишување на мировниот договор за Газа да го претворат во нов почеток за поправеден и помирен живот во регионот.
„Погледнете кон подобра иднина за нашите деца,“ рече Сиси по потпишувањето на договорот во Шарм ел-Шеик.
На самитот присуствуваа Доналд Трамп и бројни меѓународни претставници. Обраќајќи му се на Трамп, Сиси додаде: „Господине претседателе, нека војната во Газа биде последната војна на Блискиот Исток.“