Свет
(Видео) 158 километри автопат изграден во Кина, на проектот не работеше ниту еден човек

Автопатот долг 98 милји (приближно 158 километри) во Кина е изграден целосно од роботи. Проектот е дел од автопатот Пекинг – Хонг Конг, а користени се напредни машини од групацијата Sany, со што е постигната милиметарска прецизност, пишува The Economic Times.
Автоматските возила ги дистрибуираа каменот и песокот по што автономните валјаци вршеа притисок за да обезбедат еднаква и издржлива површина на патот. Беспилотните летала го следеа напредокот на изградбата за да ја задржат топографската точност.
Според извештаите, роботскиот пристап резултирал со побрза градба и поквалитетни резултати во споредба со традиционалните методи. Успехот на овој проект покажува дека роботите би можеле да играат сè поважна улога во идните инфраструктурни проекти.
На проектот соработуваа три државни компании.
Извештаите ги истакнуваат заштедите на трошоците и времето постигнати со овој роботски пристап, иако не се дадени точни бројки, но алгоритмите го оптимизираа процесот на градба овозможувајќи поголема брзина и прецизност, што го прави овој метод поефикасен од човечката работа.
Проектот беше претставен на инфраструктурна конференција, на која 700 присутни ја набљудуваа автоматизираната технологија во акција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Русија тоне, време е да запре

Американскиот претседател Доналд Трамп остро ја критикуваше економската и воената позиција на Москва во светлината на војната во Украина, велејќи дека руската економија е во „катастрофална состојба“ и дека „оди по ѓаволите“, пренесуваат светските медиуми.
По средбата со турскиот претседател Реџеп Таип Ердоган, Трамп рече дека „Русија стави сè на коцка и не постигна речиси никакви територијални придобивки“. Според него, Москва потрошила милијарди на бомби, ракети и човечки животи, а исходот е незадоволителен. „Мислам дека е време да се запре. Навистина мислам“, рече тој.
Покана до Турција да се откаже од руската нафта
Трамп нагласи дека Анкара би можела да игра клучна улога во забрзувањето на крајот на конфликтот, доколку се откаже од руската нафта. Според него, Турција има „многу опции“ за снабдување со енергија, за разлика од Унгарија или Словачка, кои немаат алтернативни извори преку морето.
Спротивставени проценки за Москва
Додека Трамп предупредува дека руската економија се урива, официјална Москва испраќа различни сигнали. Гувернерката на Централната банка, Елвира Набиулина, неодамна истакна дека земјата продолжува да бележи умерен раст, додека претседателот Владимир Путин нагласи дека западните санкции не ја скршиле руската економија, предупредувајќи дека самата Европа се балансира на работ на рецесија.
Американско-руските контакти продолжуваат
И покрај жестоката реторика, дипломатските контакти меѓу Москва и Вашингтон не се прекинати. Рускиот министер за надворешни работи Сергеј Лавров и американскиот државен секретар Марко Рубио разговараа за можните начини за решавање на украинската криза во Њујорк, надоврзувајќи се на договорите постигнати за време на претходните состаноци.
Фото: принтскрин
Свет
Запленети над 200.000 од популарните кукли Лабубу: Содржеле токсини

Британската царина заплени фалсификувани играчки во вредност од повеќе од 3,5 милиони фунти, соопшти денес Канцеларијата за интелектуална сопственост (IPO) на земјата.
Од запленетите 259.000 играчки, 90 проценти биле копии од популарните кинески кукли Лабубу, кои станаа глобален хит оваа година благодарение на социјалните медиуми, објави Sky News.
Меѓу ризиците се задушување, присуство на токсични хемикалии и неисправни делови.
„Сериозни опасности за децата често се кријат зад атрактивно пакување“, предупреди Хелен Барнам од IPO.
Порано овој месец, 100 лажни кукли Лабубу беа пронајдени во две продавници во западен Лондон, кои беа оценети како потенцијално смртоносни поради делови што би можеле да предизвикаат задушување.
Огромното мнозинство од купувачите, 92 проценти, се свесни дека на пазарот има фалсификувани играчки, но истражувањата на IPO покажуваат дека цената често им е поважна од безбедноста.
Седум од десет родители рекле дека пониската цена е нивниот најважен критериум, додека само 27 проценти ја навеле безбедноста како приоритет.
Свет
(Видео) Трамп и Меланија снимени во напнат дијалог: таа одмавнува со главата, тој го впери прстот

Камерите забележале наизглед напната расправија меѓу Доналд и Меланија Трамп додека со хеликоптерот се враќале во Белата куќа по посетата на Обединетите нации во Њујорк.
Снимката, објавена од „Скај њуз Арабија“, го прикажува претседателскиот пар како седат еден спроти друг додека хеликоптерот слетува на тревникот на Белата куќа. На видеото се гледа како 55-годишната Меланија одмавнува со глава и гестикулира кон својот 79-годишен сопруг, кој ѝ возвраќа со вперен прст кон неа.
@skynewsarabia جدال حاد بين ترامب وميلانيا داخل مروحيتهما #سوشال_سكاي ♬ original sound – SkyNewsArabia
Посетата на Њујорк беше обележана и со неколку непријатни моменти. Пред обраќањето на Трамп во седиштето на ОН подвижните скали на кои стоеле тој и Меланија ненадејно застанале.
This is insane…
As Trump arrived to the UN, the escalator stopped working the moment he stepped on it.
Then the teleprompter stopped working the moment he got up to the podium to speak. pic.twitter.com/XBTgfr6zJ8
— Geiger Capital (@Geiger_Capital) September 23, 2025
Конзервативните медиуми веднаш го нарекоа инцидентот саботажа, а Џеси Вотерс од „Фокс њуз“ дури предложи зградата на ОН да се урне. Портпаролот на ОН подоцна појасни дека камeрман од американската делегација случајно го активирал механизмот за стопирање.
Набргу потоа, додека се подготвувал за говор пред светските лидери, Трамп се соочил со дефект на телепромптерот (т.н. идиот – уред што прикажува текст, најчесто говори или скрипти, на екрани поставени пред говорникот или камерата), па морал да направи пауза од 15-ина секунди.
„Можам само да кажам дека оној што управува со ова е во големи проблеми“, изјавил Трамп.
Во интервју за „Фокс њуз“, портпаролката на Белата куќа, Каролин Левит, се закани со последици:
„Ако откриеме дека вработени во ОН намерно се обиделе да му подметнат сопки – буквално да им подметнат сопки на претседателот и на првата дама на САД – тогаш подобро да одговараат за тоа. Јас лично ќе се погрижам“, изјави таа.
Својата порака ја повтори и на социјалните мрежи: „Ако некој во ОН намерно ги стопирал подвижните скали… треба веднаш да биде отпуштен и истражен“.
Левит потсети и на напис од „Тајмс оф Лондон“, во кој се наведува дека вработени во ОН се шегувале дека ќе ги исклучат скалите и ќе кажат „немаме пари“ алудирајќи на американското намалување на финансирањето за организацијата.