Свет
(Видео) Oбјавена нова снимка од Израелката Ноа, која беше киднапирана на фестивалот
Објавено е видео од Ноа Аргамани, една од младите жени киднапирани и однесени во Газа.
На видеото што се споделува на социјалните мрежи Аргамани пие вода.
Hamas terrorists post a video of Noa Argamani, one of the young woman kidnapped and taken into Gaza yesterday. May she return home safely. pic.twitter.com/M51rNbJfNI
— Israel MyChannel (@IsraelMychannel) October 8, 2023
Снимката од нејзиното киднапирање масовно се споделуваше во претходните два дена. Ноа заедно со својот дечко беше на музичкиот фестивал во близина на границата со Газа кога Хамас упадна и изврши масакр, во кој, според последните информации, убиени беа повеќе од 600 луѓе. Младата жена ја качија на мотор додека таа очајно извикуваше „Не убивај ме“, а нејзиниот дечко беспомошно гледаше додека милитантите го држеа и го носеа во непознат правец.
Noa was partying in the south of Israel in a peace music festival when Hams terrorists kidnapped her and dragged her from Israel into Gaza.
Noa is held hostage by Hamas.
She could be your daughter, sister, friend.#BringBackOurFamily pic.twitter.com/gi2AStVdTQ
— Hen Mazzig (@HenMazzig) October 7, 2023
Татко ѝ низ плач вчера за израелските медиуми жалеше што не успеал да ја заштити.
אביה של נועה מסרטון החטיפה לעזה בוכה בשידור ומתחנן שיחזירו אותה ואת האחרים. פשוט נשבר הלב, איך אפשר להמשיך מפה@N12News pic.twitter.com/Jkl0gPV8fB
— Lila Odin (@LOdinaev) October 8, 2023
Израел потврди дека цивили и војници се киднапирани и однесени во Газа, но не даде точна бројка.
На социјалните мрежи беа споделени и фотографии од киднапираните Израелци по кои се трага, а главно се работи за млади жени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тензично во Подгорица: приведени осум лица поради напади врз Турци
Црногорската полиција објави дека осум лица се уапсени во Подгорица за кривични дела со елементи на поттикнување национална и верска омраза и насилство.
Исто така, беше кажано дека полицијата ќе користи камери и беспилотни летала за снимање на јавни места со цел документирање на кривични дела, а дека вчера во Подгорица се преземени 55 мерки против странци.
Според соопштението, полицијата го идентификувала и, по наредба на државниот обвинител во Вишото државно обвинителство во Подгорица, го уапсила П.М. (35) од Подгорица.
Полицијата објави дека постои сомневање дека на 26 октомври, преку своите профили на социјалните мрежи Инстаграм и Фејсбук, објавил заканувачка и навредлива порака упатена кон турските граѓани кои живеат во Црна Гора, со која поттикнува омраза и нетрпеливост на национална и верска основа.
Geniş Özet: Karadağ’da “Türkü Öldür” sloganları
Karadağ’ın başkenti Podgorica’da geçtiğimiz hafta sonu yaşanan bıçaklama olayının ardından Türk vatandaşlara yönelik saldırılar gerçekleşti. 45 Türk vatandaşı gözaltına alınırken, 8 Türk vatandaşı da sınırdışı edildi. Karadağ… pic.twitter.com/9181ixW80j
— Selâmi Haktan (@slmhktn) October 28, 2025
Поради сомнение дека сториле кривично дело насилно однесување, на штета на тројца турски државјани, по наредба на државниот обвинител во Основното државно обвинителство во Подгорица, уапсени се Б.С. (26), Ф.Ѓ. (25) и М.П. (31) од Подгорица.
„Се сомнева дека тие физички нападнале турски државјани во населбата Забјело, удирајќи ги со тупаници, стапала и користејќи палки, кои во таа прилика се здобиле со телесни повреди. При претресот, од нивното возило се пронајдени и одземени факели и балаклави“, се вели во соопштението на Полициската управа.
Додаваат дека Т.Б. (24), Б.Б. (22) и Ф.Ј. (18) се уапсени за сторено прекршок од член 7 од Законот за јавен ред и мир, на штета на турски државјанин. Тие се осомничени дека синоќа физички нападнале турски државјанин во населбата Забјело.
Полицијата соопшти дека службеници на Секторот за гранична полиција – инспектори за странци, презеле 55 мерки против странски државјани.
„За време на активностите спроведени на територијата на Подгорица, издадени се 30 прекршочни налози, две лица се насилно отстранети, две се протерани од земјата, додека на тројца странски државјани им е откажан престојот“, посочи црногорската полиција.
Пред два дена, во подгоричката населба Забјело, дојде до физичка пресметка пред угостителски објект, во која едно лице од Подгорица, М. Ј., беше повредено со нож. Полицијата идентификува и приведе двајца лица — еден турски и еден азербејџански државјанин — поврзани со случајот.
По нападот, следуваа масовни полициски контроли и приведувања — околу 45 турски и азербејџански државјани беа задржани во рамките на проверка на престој и документи, што предизвика реакции и во Турција од страна на државниот врв.
Во вечерните часови, дел од граѓаните на Подгорица излегоа на улиците, при што беа забележани ксенофобични скандирања, оштетување на возила и дополнителни полициски интервенции.
Свет
Орбан: Европа нема улога во решавањето на војната во Украина
Унгарскиот премиер, Виктор Орбан, изјави дека Европската Унија нема никакво значење и оцени дека американскиот претседател Доналд Трамп греши во врска со рускиот претседател Владимир Путин.
Извори наведуваат дека италијанската премиерка Џорџија Мелони се обидела да посредува меѓу унгарскиот премиер и другите европски лидери на состанокот со Орбан во врска со ветото на Унгарија за клучните одлуки на ЕУ за Украина, објави Анса.
Пред состанокот со Мелони, Орбан изјави дека Европа нема улога во решавањето на војната и дека иднината на европската економија е сериозно загрозена.
За време на престојот во Рим, Орбан се сретна и со папата Лав во Ватикан, а планирана е и средба со лидерот на Лигата и италијански министер за транспорт Матео Салвини.
Според соопштението од кабинетот на премиерот Мелони, средбата се одржала во срдечна и неформална атмосфера, а Мелони го повторила ставот на Италија дека се залага за итен прекин на огнот во Украина и почеток на дипломатски преговори.
Како што објави Масаџоро, италијанскиот премиер му повторил на Орбан дека Италија нема да се повлече од европските рестриктивни мерки против руската економија, ниту ќе се дистанцира од забраната на САД за московска нафта.
Орбан, исто така, ги смета санкциите на САД за многу сериозни.
Тој најави дека ќе оди во Вашингтон во наредните денови за да го убеди Трамп да ги укине енергетските санкции кои, како што рече, скапо ја чинат Унгарија, која е зависна од руските испораки на гас и нафта.
фото:принтскрин
Свет
(Видео) Над 20 повредени во паника по силниот земјотрес во Турција
Најмалку 26 лица се повредени додека се обидувале во паника да ги напуштат своите домови во земјотресот што вечерва го погоди Сундаргах, округ Баликесир, западна Турција.
Нема извештаи за жртви од силниот земјотрес со јачина од 6,1 степен по Рихтер. Многу жители на областа ја поминале ноќта во џамии и училишта.
6.1-magnitude QUAKE shakes Turkey’s Sindirgi in Balikesir province Tremors felt in Istanbul, Izmir, and Bursa horrible to watch 😭😭😭😭😭#earthquake #Turkey pic.twitter.com/IAGQrlckGN
— யாழன் ❤️ (@babusri50) October 28, 2025
Последователните потреси продолжуваат, а најсилниот бил со јачина од 4,6 степени според Рихтеровата скала.
Три ненаселени згради беа срушени, а 25 станбени згради беа оштетени.
Земјотресот беше силно почувствуван во Истанбул, Бурса, Измир, Текирдаг, како и во јужните региони на Бугарија.
Претходниот силен земјотрес во Баликесир беше на 10 август годинава, кога потрес, повторно со јачина од 6,1 степен според Рихтеровата скала, уби едно лице, а 30 беа повредени.
Југоисточниот дел од Турција сè уште се опоравува од катастрофалниот земјотрес во февруари 2023 година, кога загинаа 53.000 луѓе.

