Свет
Вистинскиот број на починати од коронавирус во Британија за 40 проценти поголем
Вистинскиот број на смртни случаи од коронавирус во Велика Британија е 40 проценти поголем од дневните податоци кои владата ги давала до 10 април, покажуваат денешните податоци, кои го вклучуваат бројот на смртни случаи во заедниците.
Канцеларијата за национална статистика соопшти дека забележала 13.121 смртни случаи до 10 април во Англија и Велс, кои опфаќаат поголем дел од британското население, во споредба со 9.288 на основа на податоците кои ги пружила владата, за починати во болница.
Според последните податоци од болниците за починати објавени вчера, во Британија починале 16.509 луѓе, пренесува Ројтерс.
Доколку податоците за Велика Британија се намалени за ист процент, тоа би значело дека бројот на смртни случаи во целата земја би можел да биде над 23.000, што би ја ставило Британија на второто место во Европа, после Италија.
Податоците го вклучуваат и бројот на починати во домовите за стари и болни лица и се базираат на посмртниците во кои се наведува дека причина за смртта бил Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ердоган против Евровизија: „На вакви настани стана невозможно да сретнеш нормален човек“
Реџеп Таип Ердоган, претседателот на Турција, рече дека Евровизија поттикнува „родова неутрализација“ и го загрозува традиционалното семејство.
Во неодамнешното обраќање, Ердоган ги опиша учесниците на Евровизија како „тројански коњи на перверзијата на општеството“ и оцени дека неговата влада била во право што не испратила свој претставник на натпреварот од 2012 година.
Оваа година победата на Евровизија ја освои швајцарецот Немо, кој со тоа стана првиот небинарен човек кој триумфирал во тоа натпреварување.
„Стана невозможно да се сретне нормална личност на такви настани“, рече Ердоган, чија владејачка Партија на правдата и развојот има корени од исламското движење во Турција и чија влада стана помалку толерантна кон правата на ЛГБТ во последниве години.
Според него, изборот за песна на Евровизија е „срамно натпреварување“ и сега се гледа дека одлуката на Турција да не учествува на него била „точна“, пренесува Гардијан.
Ердоган зборуваше и за популационата политика и оцени дека падот на наталитетот претставува „егзистенцијална закана“ и „катастрофа“ за Турција.
Најновите статистички истражувања покажуваат дека една жена во Турција има во просек по 1,5 деца, а турскиот лидер ги повикува семејствата да имаат најмалку три деца.
Свет
Турција прогласи ден на национална жалост поради смртта на иранскиот претседател Раиси
Турскиот претседател, Реџеп Taјип Ердоган, синоќа изјави дека Анкара ќе прослави Ден на национална жалост поради смртта на иранскиот претседател Ебрахим Раиси, министерот за надворешни работи Хосеин Амир Абдолахиан и другите кои загинаа во хеликоптерска несреќа, пренесе „Ројтерс“.
„Одлучивме да прогласиме ден на национална жалост во нашата земја за да го споделиме длабокото страдање на иранскиот народ“, рече Ердоган за време на телевизискиот настап.
Шефот на државата, исто така, нагласи дека Турција продолжува да ја цени силната поддршка на Техеран за палестинската кауза.
Свет
Мал град во Јапонија изгради ограда: не сака туристите да ја фотографираат планината
Јапонскиот град Фуџикавагучико денеска постави голема мрежеста бариера на популарното место за гледање на планината Фуџи во обид да го одврати се поголемиот број туристи од фотографирање.
Најпознатата глетка во Јапонија може да се види со километри наоколу, но на локалното население во Фуџикавагучико им е преку глава од приливот на претежно странски посетители кои фрлаат отпадоци, навлегуваат во приватен имот и ги кршат сообраќајните правила во потрага по фотографија за споделување на социјалните мрежи.
Паркирајќи незаконски и игнорирајќи ја забраната за пушење, тие се собираат на тротоарот за да ја фотографираат планината покриена со снег, велат жителите. Работниците денеска почнаа да ја поставуваат црната мрежа со димензии 2,5 на 20, а до доцна утрото веќе беа готови, изјави новинар на АФП од местото на настанот.
„Се надевам дека мрежата ќе ги спречи тие опасни акции на туристите“, изјави за „АФП“ жителот Мичи Мотомочи (41), кој води традиционална јапонска продавница за слатки.
„Мислам дека е разочарувачки што го поставуваат. Сè уште е иконска глетка. Бевме тука синоќа, пред да ја издигнат оградата, а имаше толку многу луѓе“, рече Кристина Ројс ( 36), турист од Нови Зеланд.
„Но, таа одлука е сосема разбирлива. Тоа е доста опасно поради сообраќајот што минува. Има и други места каде што можете да ја фотографирате планината”, објаснува туристот.