Свет
Володин: Изолирајте го лудиот Бајден пред да почне светска војна
Претседателот на Думата, Вјачеслав Володин, изјави дека лудиот претседател на САД, Џозеф Бајден, мора да биде изолиран додека не почне светска војна.
„Бајден изјави дека на човештвото му треба нов светски поредок и дека САД може да го изградат. Така тој се согласи дека поредокот заснован на американските правила – е надминат“, напиша Володин на својот канал на „Телеграм“.
Рускиот функционер додаде дека обидите за преобликување на светот, кој стана мултиполарен, според американскиот модел, ќе доведат до глобална катастрофа.
„Лудиот Бајден мора да биде изолиран пред да почне светска војна“, додаде Володин.
Како што рече, американскиот претседател требало да признае дека Вашингтон, обидувајќи се да ја зачува својата хегемонија, само нанел штета.
„Трговските војни ги прекинаа воспоставените економски синџири, има длабока криза во ЕУ, растат тензиите околу Тајван, како и околу Украина и Блискиот Исток – сите овие проблеми се последица на владеењето на Бајден“, рече претседателот на Думата.
Според него, во бизнисот никој повторно нема да му ги довери своите пари некому што претходно банкротирал, а тоа важи и во политиката: никој во светот нема да се согласи со тоа дека Бајден и САД, кои го уништија глобалното безбедносниот систем, градат нов светски поредок во согласност со нивните интереси.
Володин исто така истакна дека речиси 80 отсто од населението на планетата верува дека односите треба да се развиваат врз принципите на заемно корисна соработка, почитување и немешање во внатрешните работи и без двојни стандарди, пренесува „Спутник“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.