Европа
(Во живо) Русите за првпат нападнаа од подморница, загина украинска новинарка
Специјалната операција на руската армија во Украина денеска влезе во својот 64. ден
Клучни настани
Експлозии во Киев
Ракетен напад врз фабриката „Артјом“
САД нема да дозволат Русија да ги заплашува европските земји за гасот
Песков: Цивилите можат да напуштат Азовстал, милитантите да го положат оружјето
Во живо:
Владимир Путин може да објави нова светска војна во наредните денови, предупреди британскиот министер за одбрана Бен Валас, пренесуваат медиумите во светот.
17:10 Кина во последен момент му подаде „рака за спас“ на Путин
Кинеската влада донесе одлука за укинување на царината за јаглен увезен од Русија, а оваа одлука ќе стапи на сила од недела. Во време кога Европската Унија и САД воведуваат посилни санкции кон Русија, оваа акција на Кина претставува силна поддршка за финансиите на партнерот Русија, анализираат медиумите во светот.
14:00 Русите првпат ја нападнаа Украина од подморница, објавена снимка
Руска подморница стационирана во Црното Море за првпат беше употребена за напад на украински цели со крстосувачки ракети „Калибар“.
Видеото што го сподели руското Министерство за одбрана покажува серија проектили кои летаат од морето кон хоризонтот.
13:25 Во рускиот напад на Киев загина новинарка од Радио Слободна Европа
Украинската новинарка Вира Хирих, која работела како продуцент на Радио Слободна Европа, е убиена во вчерашниот руски напад врз главниот град Киев, објавија во петокот локалните медиуми.
Вира Хирих загина кога руски проектил го погоди нејзиниот стан во четвртокот, јавува украинската новинска агенција „Укринформ“.
12.30 Лукашенко: Западот нема да може да ги стави на колена Москва и Минск
Притисокот од санкции ги принудува да бараат нови можности. Пазарот е отворен, треба да се движите, а не да плачете, вели претседателот на Белорусија.
11.40 Најмалку 219 деца загинаа, а 398 се ранети во Украина
Канцеларијата на главниот државен обвинител на Украина соопшти денеска дека најмалку 219 деца се убиени, а 398 се ранети од почетокот на руската војна против Украина
Видео објавено од полкот „Азов“ наводно ги прикажува последиците од руски напад врз импровизирана болница во фабриката „Азовстал“ во Мариупол.
Во твитот се вели: „Внимание! Цела ноќ во воено-полската болница, која се наоѓа во кругот на фабриката ‘Азовстал’ во Мариупол и каде се наоѓаат ранетите бранители, Русите масовно фрлаа тешки бомби способни да пробијат каква било бетонска одбранбена структура“.
10.30 Украина: Бројот на загинатите руски војници достигна 23.000
Генералштабот на украинската армија соопшти дека бројот на убиени руски војници во Украина достигнал 23.000. Русите изгубија 189 авиони, 155 хеликоптери и 986 тенкови за време на војната.
Британскиот министер за одбрана Бен Валас изјави дека нема да биде изненаден доколку Владимир Путин објави нова светска војна и нареди масовна мобилизација на Русите.
09.50 Руски атентатори се обиделе да упаднат во зградата во која биле Зеленски и неговото семејство
Украинскиот претседател Володимир Зеленски одбил да го напушти Киев дури и кога руски атентатори се обиделе да упаднат во зградата во која бил тој со семејството
09.40 Киев: За денеска е планирана евакуација на цивили од Азовстал
Украина се надева дека денеска ќе ги евакуира цивилите од фабриката за челик во Мариупол.
09.20 Ракетен напад врз фабриката „Артјом“
Медиумите јавуваат за силни експлозии во Киев. Според извештаите, ракетирана е воената фабрика „Артјом“.
??⚡️??
Eyewitnesses report of three missiles hits on the Artyom defense plant in Kyiv pic.twitter.com/jAyqi3RgoK— Hawkeye1745 (@Hawkeye1745) April 28, 2022
Украина се откажа од нуклеарното оружје за доброто на светскиот мир. Потоа тропнавме на вратата на НАТО, но таа не се отвори. Безбедносниот вакуум доведе до руска агресија
Ukraine gave up nuclear weapons for the sake of world peace. We have then been knocking on NATO’s door, but it never opened. Security vacuum led to Russian aggression. The world owes Ukraine security and we ask states to decide which security guarantees they are ready to provide.
— Dmytro Kuleba (@DmytroKuleba) April 29, 2022
08.50 Борел: Мариупол е европски Алепо
Алепо е сириски град кој претрпе големи разурнувања за време на војната, како и егзодусот на населението, а инаку е на списокот на светско наследство.
08.40 Песков: Цивилите можат да напуштат Азовстал, милитантите да го положат оружјето
Цивилите можат да излезат и да одат каде сакаат, милитантите мора да го положат оружјето па да излезат.
08.30 Најмалку 10 лица се повредени во рускиот ракетен напад врз Киев
Најмалку десет лица се повредени во четвртокот откако руски ракетен напад оштети 25-катна станбена зграда во Киев, објави Украинската државна служба за итни случаи на Фејсбук.
Министерството за одбрана на Велика Британија ги објави најновите податоци за ситуацијата во Украина.
Latest Defence Intelligence update on the situation in Ukraine – 29 April 2022
Find out more about the UK government's response: https://t.co/94lb8T09GX
?? #StandWithUkraine ?? pic.twitter.com/Shgw19Ejz0
— Ministry of Defence ?? (@DefenceHQ) April 29, 2022
08.10 Поранешен шеф на руска банка побегна да се бори за Украина
Игор Волобујев, поранешен директор на руската Гаспромбанк, рече дека побегнал од Русија во Украина со надеж дека таа ќе се вооружи против инвазијата на Москва.
After Russia invaded Ukraine, former Gazprombank Vice President Igor Volobuyev fled Russia to join the Ukrainian Territorial Defense:
"I want to wash myself clean of my Russian past."https://t.co/lJXqMllzcx— Anders Åslund (@anders_aslund) April 28, 2022
Претседателот на Украина Володимир Зеленски изјави дека најновите ракетни напади во Киев се најдобар доказ дека Украинците не можат да ја спуштат својата стража и дека мора да продолжат да се борат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.