Свет
Во Индија 4000 починати лица од коронавирус во еден ден, тела пронајдени во реки
Индија известува дека има мало намалување на бројот на заразени од Ковид-19 трет ден по ред, но расте бројот на починати кој за 24 часа е поголем од 4.000 лица а вкупно 270.000 луѓе починаа во земјата како последица на Ковид-19, известуваат агенциите.
Масивниот втор бран на заразени со коронавирус во Индија започна во февруари, предизвикувајќи колапс на болниците.
Здравствените власти изјавија дека кај нив се зголемени надежите дека дневниот број на новозаразени со коронавирус започнал да се стабилизира.
Сепак, забележано е нагло зголемување на бројот на заразени со Ковид-19 во држави како Тамил Наду на југ и во руралните области. Премиерот ги повика официјалните лица да ги зајакнат здравствените ресурси во руралните области и да го засилат надзорот, бидејќи вирусот брзо се шири во овие области откако ги уништи градовите.
Од друга страна полициски служби информираат дека во некои индиски реки се пронајдени фрлени тела на починати кои биле жртви на Ковид-19.
Според индиските медиуми најголемата земја за производство на вакцини има вакцинирано нешто повеќе од 40,4 милиони луѓе или само 2,9 проценти од вкупното население чиј број изнесува 1,35 милијарди.
Индија ќе има 516 милиони дози на вакцина против Ковид-19 до јули, изјави вчера министерот за здравство Харш Вардан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.