Свет
Во Канада пронајдени 5 тела, меѓу кои и на три деца, уапсен маж
Пет лица, меѓу кои и три деца, беа пронајдени мртви во неделата во канадската провинција Манитоба во три инциденти за кои канадската кралска коњичка полиција вели дека се поврзани.
Полицијата приведе 29-годишен маж, но сè уште не е поведено обвинение, изјави инспекторот Тим Арсено на конференција во градот Винипег.
„Како татко не можам да замислам колку е голема загубата за тие семејства. Заедницата Карман и околните области исто така ќе тагуваат затоа што изгубија некои од своите најмлади жители на трагичен начин“, рече Арсено, пренесе канадскиот CBC.
Според полицијата, смртните случаи биле на три локации – на автопатот 3 меѓу Карман и Винкер, автопатот 248 северно од провинцискиот пат и во домот во градот Карман, кој се наоѓа 75 километри југозападно од Винипег. Полицијата соопшти дека во Карман пронашла тело на жена по извештаите за сообраќајна несреќа на автопатот 3.
Телото било пронајдено во ендек, недалеку од автопатот. Набргу подоцна, Хедингли Тауншип добил повик за запалено возило на автопатот 248.
Случајни минувачи ги извлекле трите деца од автомобилот пред да пристигне полицијата, но сите три биле прогласени за мртви на местото на настанот. Полицајците уапсиле маж на таа локација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.