Европа
Во Копенхаген се организира „Молитва за Шведска“
Во Копенхаген, главниот град на Данска, во петок, ќе се организира пародија под називот „Молитва за Шведска“, на која насобраните „ќе се молат за жртвите на нападот во Шведска“.
Пародијата претставува потсмевање со изјавата на американскиот претседател Доналд Трамп, кој минатата сабота во еден јавен настап тврдеше дека претходната ноќ во Шведска имало „безбедносен инцидент“ поврзан со зголемениот број мигранти.
Белата куќа подоцна соопшти дека Трамп мислел на порастот на стапката на криминал по зголемувањето на бројот на мигранти во Шведска, но многумина негови критичари го искористија говорот за потсмев.
Данскиот уметник Артпушер, на пример, во петок, во Копнехаген ќе организира иронично оддавање почит на жртвите на непостоечниот инцидент, нагласувајќи дека тоа всушност претставува негов протест против „ширењето дезинформации и лажни вести“.
„По ужасниот напад на нашата братска земја Шведска, за што јави претседателот Трамп, норидските земји се обединија“, напиша Артпушер во најавата за својот настан „Молитва за Шведска“.
За шведските медиуми Артпушар рече дека манифестацијата претставува „настан исполнет со љубов“, кој не претставува протест против Трамп.
„Станува збор за иницијатива што треба да ги поттикне луѓето да размислуваат и да носат заклучоци базирани на факти. Јас немам пари или моќ, но можам да се обидам со хумор и иронија да ги поттикнам луѓето да бидат свесни за некои работи“, изјави Артпушер./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Масакр во Донецк: Русите погубија пет цивили, застрелаа жена во вилицата, таа преживеа
Руски војници погубија пет цивили во селото Жвановка во Донецката област, објави канцеларијата на регионалниот обвинител. Злосторството, кое се случи на 20 октомври, беше опишано како семеен масакр што потсетува на методите на Гестапо, објавува „Киев пост“.
Според извештајот, двојката и нивниот постар син се криеле во подрумот на нивната семејна куќа, додека помладиот син отишол да донесе вода од соседот. Руските војници влегле во куќата, го пронашле скривалиштето и почнале да го испрашуваат семејството за позициите на украинските бранители. Кога не ги добиле информациите што ги барале, војниците си заминале, велат обвинителите.
Но, набргу потоа, еден од војниците се вратил и отворил оган врз семејството со автоматско оружје. Убеден дека сите се мртви, тој го напуштил местото на злосторството. Сепак, мајката, која претрпела прострелна рана во вилицата, преживеала.
И покрај сериозните повреди и загриженоста за помладиот син, жената отишла во куќата на соседката. Таму, го пронашла безживотното тело на својот син во подрумот, покрај телата на нејзината соседка (62) и нејзиниот 30-годишен син. Преживеаната успеала да стигне до територијата контролирана од Украина, каде што била хоспитализирана. Таму, таа дала изјава за воениот злостор извршен од руските сили.
Селото Жванивка, кое се наоѓа на околу триесет километри од Бахмут, е на фронтовската линија речиси од почетокот на руската инвазија во февруари 2022 година. Во јуни истата година, селото беше цел на артилериски и ракетни напади врз цивилни цели. Во јуни 2023 година, осум жители беа повредени во нападите врз Жванивка и околните градови.
фото: принтскрин
Европа
(Видео) Дрон удри во зграда во Московската област: станот е целосно уништен, петмина повредени
Пет лица, меѓу кои и едно дете, се повредени во напад со беспилотно летало врз станбена зграда во Красногорск, Московска област, соопшти регионалниот гувернер Андреј Воробјов.
A Ukrainian drone crashed into an apartment in Krasnogorsk
The impact hit the 14th floor, injuring five people.
Local residents say the explosion was so powerful that fragments of the building’s facade and shattered glass were scattered all over the courtyard. pic.twitter.com/A2asEfNUOP
— NEXTA (@nexta_tv) October 24, 2025
„Станбена зграда во Красногорск е оштетена во напад со беспилотно летало. Дронот се урна во стан на 14-тиот кат. Пет лица се повредени, меѓу кои и едно дете. Четворица се веднаш однесени во болници, каде што добиваат потребна медицинска помош“, напиша Воробјов на својот телеграм-канал.
Тој истакна дека детето претрпело полесни повреди на долниот дел од ногата и исчанчено колено, а другите повредени лица имаат трауматски повреди на мозокот, фрактури и рани од шрапнели.

Инцидентот оштети и делумно уништи три стана. Фрагменти од облогата на зградата и стаклените прозорци беа расфрлани на растојание од 100-ина метри. Станарите на зградата изјавија за руската државна новинска агенција „Тасс“ дека експлозијата била многу моќна.
фото: принтскрин
Европа
Захарова ја нападна Полска: „Сакаат да ги вовлечат САД во опасен потфат“
Русија верува дека одредени членки на НАТО, со акцент на Полска, сакаат да се откажат од ограничувањата поврзани со распоредувањето нуклеарно оружје на нивна територија, што би ги влошило „стратешките ризици“ и дополнително би ги зголемило тензиите, изјави портпаролката на руското Министерство за надворешни работи, Марија Захарова.
Захарова истакна дека полските претставници веќе се обратиле до Соединетите Држави „во обид да го вклучат Вашингтон во обврска поврзана со распоредувањето американско нуклеарно оружје на полска територија“.
„Со прибегнување кон вакви потези, формално ненуклеарните членки на НАТО повторно го покажуваат своето пркосно непочитување на Договорот за неширење на нуклеарно оружје“, рече таа на брифингот, како што објави руската државна новинска агенција ТАСС. Таа додаде дека не може да се исклучи можноста некои од овие земји, кои сè уште се придржуваат кон националните ограничувања, целосно да ги напуштат овие обврски во иднина.
Захарова, исто така, ја нарече овогодишната вежба на НАТО за нуклеарно одвраќање, „Steadfast Noon“, во која учествуваат 14 земји-членки и до 60 авиони, „длабоко дестабилизирачка“. Таа тврди дека „оваа шема и соодветните капацитети на земјите-членки на НАТО“ ќе доведат до „понатамошно влошување на стратешките ризици и зголемени тензии“.
Нејзините коментари доаѓаат во време на зголемени тензии околу Украина и пропаѓање на договорите за контрола на оружјето, поттикнувајќи стравувања од нова трка во вооружување. На ова предупреди и рускиот заменик-министер за надворешни работи Сергеј Рјабков, кој во среда изјави дека „непријателските политики на земјите-членки на НАТО“ би можеле „да доведат до директна конфронтација меѓу нуклеарните сили“.
Ситуацијата е дополнително комплицирана од фактот дека американскиот претседател Трамп ја одложи средбата со рускиот претседател Владимир Путин оваа недела, додека Путин надгледуваше голема нуклеарна вежба со интерконтинентални балистички ракети.
фото: принтскрин

