Свет
Во лимузина во Њујорк загинаа четири сестри и нивни сопрузи

Четири сестри, како и сопрузите на три од нив, загинаа додека оделе да го прослават роденденот на најмладата, пишува „Њујорк пост“.
Четирите сестри се меѓу 20-те загинати во страшната несреќа што вчера се случи во САД. Трагичната незгода се случи во државата Њујорк во саботата во попладневните часови кога лимузина со 18 луѓе со голема брзина минала на крстосница по што удрила во паркиран автомобил и потоа собрала двајца пешаци кога излетала од улицата. Двајцата пешаци загинаа, како и сите 18 патници во лимузината.
„Едната од нив само што се венча“, изјавила вујната на сестрите, Барбара Даглас.
Нивниот брат, 35-годишниот Том Кинг, рекол дека четирите сестри биле прилично блиски.
„Беа како четири мускетари“, изјавил Кинг додавајќи дека сè уште е во шок.
„Ние сме единствените што останавме, а бевме седуммина. Пет сестри и двајца браќа“, кажал тој за медиумите.
Ејми Данлоп Џонсон, која е роднински поврзана со некои од жртвите, за Си-би-ес изјавила дека тие посетувале винарница во околината.
Изнајмената лимузина, во која можеле да се сместат 18 патници и возач, преминала низ крстосница на која имало обврска за сопирање при брзина поголема од 80 километри на час. Потоа луксузното возило се забило во паркиран автомобил.
Четирите сестри што загинале во несреќата се Абигејл Џексон, Мери Дајсон, Алисон Кинг и Ејми Стинбург. Биле на возраст меѓу 30 и 35 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.