Свет
Во Франција коронавирусот се шири во старските домови, во Белгија нови 140 починати
Бројот на заболени од коронавирус во светот надмина еден милион. Утрово бројот изнесува 1.099.711.
Ситуацијата е се полоша во Франција, каде бројот на починати од коронавирус порасна за 61 процент во последните два дена, по вклучувањето на податоците од старските домови и сега изнесува 6.507, а бројот на потврдени заболени случаи достигна 82.165, соопшти вчера министерството за здравство.
Најмногу заразени има во САД – 277.475, во Италија и Шпанија бројот се движи околу 120.000. Италија има најмногу починати – 14.681. Но, за разлика од САД, во Италија епидемијата покажува знаци на опаѓање.
Во Кина, земјата од каде се појави вирусот, забележани се дури 19 нови заразени.
Во Белгија во последните 24 часа починале 140 луѓе, а дополнително се заразиле 1.661 човек. Во Швајцарија пак изминатите 24 часа починале 13 луѓе, а се заразиле 96. Со тоа бројот на заразени во оваа земја се зголеми на 19.702, а починале вкупно 604.
Во Русија во псоледните 24 часа починале 9 лица, а се заразиле нови 582. Со тоа бројот на заболени се зголеми на 4.731, а починати се вкупно 43.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.