Контакт

Свет

Во 2016-та не избувнала ниедна нова војна во светот

Објавено пред

Во 2016 година е првата година во само неколкуте во која не избувнала ниедна нова војна или нов вооружен судир, и покрај триесетината кои и натаму се водат ширум светот, покажува резултатот од истражувањето објавено во средата во Германија.

dobivaj vesti na viber

На Блискиот исток и во југоисточна Азија и натаму траат дванаесет оружени конфликти, во Африка има десет судири, а во Азија има осум, објави AKUF, истражувачка група при универзитетот во Хамбург којашто се занимава со судирите во светот.

Во моментов нема судири во Латинска Америка и во Европа. Годинава, пак, најмногу жртви има во граѓанската војна во Сирија, којашто ги надмина границите на земјата и се претвори во регионален судир кој го потресува светот.

Истражувачите нагласуваат и дека во текот на годинава што изминува викендов, неколку конфликти се смириле.

Особено се истакнува оној во Колумбија кој беше најдолгиот на западната хемисфера, 52-годишниот вооружен конфликт во кој загинале најмалку 260.000 луѓе, над 60.000 се водат како исчезнати, а 6,9 милиони лица се раселени, откако минатиот месец тамошната влада потпиша мировен договор со герилското движење Револуционерни вооружени сили на Колумбија (Fuerzas Armadas Revolucionarias de Colombia – FARC). За ова постигнување колумбискиот претседател Хуан Мануел Сантос ја доби Нобеловата награда за мир./крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Германскиот министер за финансии за данок на богатите, канцеларот против

Објавено пред

Ќе воведе ли Германија поголеми даноци за богатите за да се затвори буџетската дупка од над 30 милијарди евра? Тоа е прашањето што го зафаќа политичкиот Берлин и се заканува да предизвика судир меѓу владејачките партии, пишува „Дојче Веле“.

dobivaj vesti na viber

Германскиот буџет за 2027 година се соочува со недостиг од повеќе милијарди евра. Министерот за финансии Ларс Клингбајл затоа не ја исклучува можноста за зголемување на даноците за оние со високи приходи. Демохристијаните (ЦДУ/ЦСУ) се огорчени. Клингбајл, кој е воедно и претседател на Социјалдемократската партија на Германија (СПД), во емисија на јавниот сервис АРД „Bericht aus Berlin“ го појасни својот став, нагласувајќи дека „сите мора да дадат свој придонес“.

„Никогаш немало влада со ваков предизвик“

Веќе неколку недели во Германија се расправа дали се потребни повисоки даноци за имотните граѓани за да се затвори дупката во државниот буџет. Клингбајл потсети дека тоа го најавил уште средината на август во летното интервју за ЗДФ, што веднаш наиде на жесток отпор од коалициските партнери од редовите на ЦДУ/ЦСУ.

Сега Клингбајл дополнително го брани и конкретизира својот став. „Мислам дека никогаш немало федерална влада која морала да затвори ваква голема буџетска дупка“, рече Клингбајл. „Советувам сите опции да останат отворени додека не можеме да објавиме дека тие 30 милијарди се отплатени и дупката е затворена“, додаде.

Клингбајл објасни дека недостатокот во буџетот за 2027 дополнително се зголемил поради проекти како „пензија за мајки“ и компензации за општините во рамки на иницијативата за „поттикнување економски раст“.

„Не смее да се кратат социјалните трошоци“

„Ме интересира кои идеи ќе ги предложат канцеларот и другите за да се затвори недостатокот од 30 милијарди“, порача Клингбајл, осврнувајќи се на одбивањето на демохристијаните да разговараат за зголемување на даноците.

Тој предупреди и на опасноста од преголеми кратења во социјалата. „Има некои, тоа го забележувам понекогаш во политичката дебата, кои изгледа мислат дека сите пари можат да се заштедат на пензии, здравство, нега и други работи“, рече шефот на СПД.

Нагласи дека сега мора да се донесе цел пакет мерки кој ќе биде праведен и балансиран.

„Ќе мора да побараме нешто од граѓаните, така е. Но многу е важно да постои чувство дека тоа се однесува на сите и дека сите треба да дадат свој придонес“, рече Клингбајл и додаде дека му е драго што дебатата за ова сега започнува. „Важно ми е да не почнеме дури кога ќе се приближи буџетот за 2027, туку тоа да го направиме во наредните недели.“

Сојузниот канцелар Фридрих Мерц во меѓувреме јасно ги отфрли идеите за зголемување на даноците. „Договорениот коалициски договор важи“, рече Мерц во летното интервју за јавниот сервис ЗДФ и нагласи дека ЦДУ/ЦСУ и СПД во коалицискиот договор се согласиле дека даноците нема да растат.

Потсети дека за оваа тема долго се расправало на преговорите. „СПД тоа добро го знае“, рече Мерц. „Тоа што СПД има поинакви ставови по ова прашање е исто толку во ред како и тоа што ние во други прашања имаме свои ставови. Ние не го бараме што нè дели. Ние го бараме она што ни овозможува заедно и одговорно да владееме“, додаде.

Шефот на ЦСУ, Маркус Зедер, исто така ги критикуваше предлозите на Клингбајл. „Не, сега не ги зголемуваме даноците. Мораме да ги намалуваме“, рече Зедер за весникот Handelsblatt.

„Кој потпишува коалициски договор треба и да го спроведе, а не да доведува сè во прашање по неколку месеци“, порача Зедер.

Тој ги отфрли и предлозите на поединечни пратеници од ЦДУ да ѝ понудат на СПД повисок данок за богатите во замена за реформи на социјалниот систем. „Тоа за мене е исклучено“, рече шефот на ЦСУ.

 

Прикажи повеќе...

Регион

(Видео) Уште еден инцидент: нападнато и возилото со кое патуваше Урсула фон дер Лајен во Бугарија

Објавено пред

Лидерот на проруската Партија на преродбата, Костадин Костадинов, беше снимен како го блокира влезот на автомобил во фабрика за оружје во бугарскиот град Сопот за време на посетата на претседателката на Европската комисија, Урсула фон дер Лајен, во неделата.

dobivaj vesti na viber

Националистичката партија на преродбата се обиде да ја спречи Фон дер Лајен да влезе во фабриката, напаѓајќи го возилото за кое демонстрантите веруваа дека е нејзино.

На видеото се гледа како Костадинов блокира црн автомобил, тврдејќи дека бугарската полиција, која се обидувала да ги убеди демонстрантите да го пропуштат возилото, „сакала да го прегази“.

Во видеото објавено на социјалните мрежи, демонстрантите со бугарски и руски знамиња го опкружуваат автомобилот, кој потоа се движи напред, но е неколку пати погоден од еден од транспарентите.

Костадинов може да се види како се расправа со полицијата со свирежи, и извици „нацисти“, додека демонстрантите понатаму го опкружуваат возилото.

Не е јасно дали претседателката на Европската комисија воопшто била во возилото во времето на инцидентот. Костадинов подоцна тврдеше дека стигнала до фабриката во Сопот со хеликоптер, а не со автомобил.

Порано денес беше објавено дека во неделата авионот од Фон дер Лајен кружел со часови и едвај успеал да слета во Бугарија поради, како што се тврди, операција за блокирање на GPS.

Фото: принтскрин

Прикажи повеќе...

Свет

Сибиха: Вонреден состанок на Советот Украина-НАТО, поради руските напади

Објавено пред

Министерот за надворешни работи на Украина, Андриј Сибиха, објави дека денес во Брисел ќе се одржи вонреден состанок на Советот Украина-НАТО поради масовните руски напади.

dobivaj vesti na viber

„Денес, во Брисел ќе се одржи вонреден состанок на Советот НАТО-Украина на барање на Украина и како одговор на неодамнешните масовни воздушни напади од страна на Русија. Очекуваме фокусирана дискусија за заедничките чекори за соодветен одговор на отфрлањето на мировните напори од страна на Русија и ескалацијата на теророт врз Украинците“, напиша Сибиха на платформата Икс.

Тој им се заблагодари на НАТО и на сите сојузници кои продолжуваат силно да ја поддржуваат Украина.

„Москва треба да почувствува посилен притисок бидејќи тоа ја продолжува војната“, нагласи шефот на украинската дипломатија, пренесува Танјуг.

Фото: принтскрин

Прикажи повеќе...

Најново

Македонија41 минута

(Видео) Родителите од Демир Хисар на протест побараа бесплатен превоз за учениците: „Нема да престанеме да се бориме“

На првиот училиштен ден,  на патниот правец Демир Хисар – Битола, кај местото Мраморица, се одржа мирен протест со блокада...

Македонија2 часа

Николоски: Доста е од злоупотреби на тајните служби, процесуирање на одговорните е предуслов за демократијата во Македонија

Потпретседателот на Владата и министер за транспорт и врски, Александар Николоски, повика Обвинителството да отвори истрага и да ги процесуира...

Македонија5 часа

Муцунски: Благодарение на СДС и ДУИ преговорите со ЕУ не може да бидат блокирани затоа што никогаш и не почнаа

Денес Венко Филипче повторно зборуваше за преговорите со ЕУ, како тие да се блокирани. Но вистината е тажна и едноставна...

Македонија5 часа

Бројот на германски туристи зголемен за 219 отсто, над 23.000 Германци годинава ја посетија Македонија

Во рамките на Museumuferfest во Франкфурт, настан што секоја година ги обединува посетителите од регионот и многубројните туристи од целиот...

Македонија6 часа

Македонија 51. на листата на земји според Глобалниот индекс за мир за 2025

На Глобалниот индекс за мир (GPI) за 2025 година Македонија е на 51. место со резултат од 1,799. Ова, според...

Македонија6 часа

Во август 19.343 сообраќајни прекршоци, уапсени 82 возачи

Во периодот од 01 до 31 август, од вкупно 19.343 издадени платни налози, 6.730 прекршоци се однесуваат на возачи кои...

Македонија7 часа

(Видео) Мицкоски: Пред 15 години зборувавме за компјутер за секое дете, а денес, по 15 години, зборуваме за учебник за секое дете

По повод почеток на новата учебна година, претседателот на Владата на Република Северна Македонија, Христијан Мицкоски го посети ООУ „Кирил...

Македонија8 часа

Македонија доби 2,3 милиона евра неповратна помош од ЕУ

ЕУ ги ослободи средствата од првата транша за Северна Македонија. На земјата и се исплатени 2.3 милиони евра како неповратна...

Топ8 часа

Уапсен дилер во Скопје, запленети 100 кесички со марихуана

Вчера околу 19 часот на улицата „Анкарска“ во Скопје полициски службеници од Единицата за интервентна полиција при СВР Скопје го...

Свет9 часа

(Видео) Снимен моментот кога силен земјотрес го погоди Авганистан: досега најмалку 622 загинати

Земјотрес со јачина од 6 степени го погоди источен Авганистан ноќеска, при што загинаа најмалку 622 лица, повеќе од 1.500...

Европа10 часа

(Видео) Путин: Оваа криза не почна со рускиот напад врз Украина, резултат е на државниот удар во Украина, кој Западот го поддржа

Рускиот претседател Владимир Путин денес се обиде да ја оправда инвазијата на Украина пред сојузниците, обвинувајќи го Западот за провоцирање...

Македонија10 часа

Нема активни пожари во Македонија

Во изминатото деноноќие до 07:00 часот утрово, на територијата на Македонија имаше вкупно 15 пожари на отворен простор, од кои...

Македонија10 часа

Почнува учебната година, во клупите ќе седнат 177.800 основци и 67.200 средношколци

Новата учебна 2025-2026 година ќе ја започнат 245 илјади ученици, односно 177.800 основци и 67.200 средношколци. Настава ќе има до...

Свет11 часа

САД го укинаа издавањето визи за речиси сите Палестинци

САД го укинаа издавањето визи за речиси сите носители на палестински пасоши, објави „Њујорк тајмс“ во неделата. Ограничувањата се построги...

Свет12 часа

Руди Џулијани тешко повреден во сообраќајна несреќа во САД

Поранешниот градоначалник на Њујорк, Руди Џулијани (81), е повреден во сообраќајна несреќа во американската држава Њу Хемпшир, јавува Би-би-си. Според...

Свет12 часа

(Видео) Автомобил се забил во рускиот конзулат во Сиднеј

Автомобил се забил во рускиот конзулат во Сиднеј, а едно лице поврзано со судирот е уапсено, објави утрово австралискиот телевизиски...

Македонија12 часа

Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...

Македонија23 часа

Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување. Поради големиот пожар повеќе...

Македонија23 часа

Вкупно 12 пожари на отворен простор, од кои три се активни, осум изгаснати, а еден под контрола

Заклучно со 18:00 часот, на територијата на државава има вкупно 12 пожари на отворен простор, од кои три се активни,...

Македонија1 ден

Цел Аеродром без струја поради голем пожар на Вардариште

Голем пожар изби попладнево на дивата депонија Вардариште каде што е зафатен поголем простор и постар објект. Во моментот интервенираат...