Свет
Вулканот Етна еруптираше на Сицилија, затворен е аеродромот во Катанија
![](https://makfax.com.mk/wp-content/uploads/2023/08/т-7.jpg)
Вулканот Етна еруптираше на Сицилија, a италијанските власти објавија дека вулканот влегол во фаза на „предупредување“.
Поради еруптивната активност на Етна затворен е аеродромот во Катанија, вториот по големина град на Сицилија. Аеродромот е затворен до 20 часот, иако првата одлука беше да се прекинат сите полетувања и слетувања до 13 часот.
Според италијанската агенција, патниците утринава пријавиле дека веб-страницата на аеродромот не работи правилно и дека не ги дава потребните информации за откажување и доцнење на летовите, пренесува N1.
Etna in eruzione, chiuso l’aeroporto di Catania pic.twitter.com/qTmhRQ7Ba2
— Albino Contentezza 🇮🇹 (@Albinocontente4) August 14, 2023
Денешното привремено затворање следи по продолжениот прекин на аеродромот по пожарот на терминалот за пристигнување во јули, што влијаеше на патувањето за време на шпицот на летната сезона.
Градскиот совет на Катанија го забрани движењето на сите возила на две тркала на територијата на општината, а ја ограничи брзината на моторните возила на 30 километри на час поради присуството на вулканска пепел на патиштата.
Во тек е чистење на патиштата, соопшти агенцијата АНСА.
Би-Би-Си потсетува дека Етна често еруптира, но дека нејзината активност ретко доведува до значителна штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
![](https://makfax.com.mk/wp-content/uploads/2024/06/вцв.jpg)
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.