Свет
Над 50 загинати во свлечишта во Индија: куќи срамнети од одрони, луѓе заробени под урнатините
Силниот дожд на индиските Хималаи предизвика лизгање на земјиштето за време на викендот, при што загинаа повеќе од 50 луѓе, а бројот на жртвите се очекува да се зголеми бидејќи најмалку 20 лица се уште се водат како исчезнати, соопштија денеска индиските власти.
Телевизиските снимки од индиската држава Химачал Прадеш покажуваат куќи срамнети со земја од лизгање на земјиштето, автобуси и автомобили висат на работ на клисурите по уривањето на патиштата, а стотици луѓе се на местата за спасување додека работниците за итна помош се обидуваат да ги расчистат урнатините, објави АП.
Невообичаено обилните дождови и топењето на глечерите доведоа до смртоносни поплави во планините на Индија и соседните Пакистан и Непал во последниве години, за кои владините претставници се повеќе ги обвинуваат климатските промени.
„Трагедија повторно го погоди Химачал Прадеш, со континуирани врнежи во последните 48 часа“, рече државниот министер Сухвиндер Синг Суку, кој истакна дека сегашниот број на загинати може да се зголеми бидејќи многумина се уште се заробени во урнатините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маск подготвен да биде домаќин на изборната дебата на претседателските кандидати во САД
Американскиот претприемач и милијардер Илон Маск денеска објави подготвеност да биде домаќин на изборната дебата на кандидатите за претседател на САД, која се очекува да се одржи меѓу сегашниот и поранешниот американски претседател Џозеф Бајден и Доналд Трамп, со учество на независниот кандидат Роберт Кенеди Џуниор.
„Се разбира“, напиша Маск на својот профил на социјалната мрежа X, одговарајќи на прашањето на Кенеди дали тој ќе биде домаќин на дебатата.
Маск рече и дека смета оти во предизборните дебати треба да учествува независниот претседателски кандидат на изборите во САД, Роберт Кенеди Џуниор.
Свет
Руски беспилотни летала гаѓаа украинска енергетска инфраструктура, делови од земјата без електрична енергија
Руски беспилотни летала погодија електрани рано утринава, прекинувајќи ја струјата во некои делови од областа Суми во северна Украина, соопштија властите.
Во објава на комуникациската платформа Телеграм, регионалните власти соопштија дека беспилотните летала ги погодиле градовите Шостка и Конотоп, североисточно од Киев и во близина на границата со Русија. Воздухопловните сили на Украина соборија седум беспилотни летала користени во нападот, соопштија регионалните власти.
Украинската војска соопшти дека соборила 24 беспилотни летала лансирани од Русија во напад во текот на ноќта врз пет други региони на југот и на истокот на земјата.
Службите за итни случаи работат на враќање на струјата во три окрузи.
Пред нешто повеќе од една недела, руските сили ја преминаа границата и почнаа да навлегуваат во североисточниот регион Харков, а властите предупредија на трупање војници и можен напад врз соседниот регион Суми.
Европа
Норвешка ја призна палестинската држава
Владата на Норвешка денеска соопшти дека нордиската земја признава независна палестинска држава.
Норвешкиот премиер Јонас Гар Стор денеска изјави дека скандинавската земја донела одлука официјално да ја признае Палестина како држава.
Одлуката стапува на сила на 28 мај, објави АП.
„Не може да има мир на Блискиот Исток доколку не дојде до признавање“, рече норвешкиот премиер, додавајќи дека „Палестина има основно право на независна држава“.
Неколку земји од Европската унија во последните недели дадоа индикации дека планираат да ја признаат Палестина, бидејќи сметаат дека решението со две држави е клучно за траен мир во тој регион.
Норвешка, која не е членка на Европската унија, но најмногу ги следи одлуките на Брисел, долго време го поддржува решението со две држави, Израел и Палестина.