Европа
Габриел: Не е договорено сите членки на НАТО да издвојуваат 2 отсто од БДП

Германскиот министер за надворешни работи, Зигмар Габриел, изјави за новинарите во естонската престолнина Талин во средата дека земјите членки на НАТО не се договориле дека сите мора да го зголемат својот буџет за одбраната над два отсто под бруто домашниот производ (БДП), индиректно одговарајќи на американскиот претседател Доналд Трамп кој особено од западноевропските сојузници бара повеќе да вложуваат во одбраната.
„Загрижен сум поради тоа што политичарите јавно изнесуваат ветувања коишто подоцна не можат да ги исполнат“, изјави шефот на германската дипломатија Зигмар Габриел. Според него, во НАТО само се договориле дела земјите членки „ќе се потрудат“ да ја достигнат целта од 2 отсто од БДП за одбраната.
„Нема строго поставена цел од два отсто, туку станува збор за тоа дека треба да се движиме во таа насока“, изјави Габриел на почетокот од својата посета на балтичките земји којашто ја започна од естонската престолнина Талин.
Во моментов Германија сега издвојува 1,2 отсто од бруто домашниот производ за одбраната.
Постојат толкувања за одлуките кои беа донесени на самитот на НАТО одржан во септември 2014 година во Велс, дека поради стравувањата од наводната руска агресија во Украина и политичките ветувања дадени на самитот дека своите воени буџети ќе ги зголемат за 2 отсто од бруто домашниот буџет (БДП) до 2024 година, иако оваа цел не е правно обврзувачка.
Во самата Германија тоа предизвика тензии меѓу демохристијаните на канцеларката Ангела Меркел и помалиот партнер во ткн „голема коалиција“ социјалдемократите на Зигмар Габриел. Меркел вели дека треба да бидат зголемени издвојувањата за одбраната за да се исполни целта на НАТО, додека Габриел вели дека не би требало да се концентрира на издвојувањата за одбраната и предупреди на започнување нова трка во вооружување.
Американскиот претседател Доналд Трамо инсистира на тоа членките на НАТО дека треба да ги зголемат издвојувањата за својата одбрана бидејќи „не сака Америка да ја финансира нивната одбрана“.
Пред десетина дека и неговиот потпретседател Мајк Пенс од говорницата на годишната безбедносна конференција во Минхен беше истраен во тоа дека европските сојузници мора да ги зголемат издвојувањата за одбраната до најмалку 2 отсто од својот бруто домашен производ (БДП). „САД очекуваат од сојузниците од зборови да минат на дела., дојде времето да се стори повеќе“, порача Пенс./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.