Свет
Германија го суспендираше новиот извоз на воено оружје во Израел

Германија го суспендираше новиот извоз на оружје за Израел додека се справува со правните предизвици, според анализата на податоците на Ројтерс и извор близок до Министерството за економија.
Извор близок до министерството цитираше висок владин функционер дека работата за одобрување дозволи за извоз на оружје во Израел е стопирана поради правниот и политичкиот притисок од правните случаи кои тврдат дека таквиот извоз од Германија го прекршува хуманитарното право.
Министерството за економија соопшти дека нема и нема да има забрана за извоз на оружје во Израел, а одлуките се носат од случај до случај по внимателно разгледување, додавајќи дека меѓународното право, надворешната и безбедносната политика се клучни фактори во нивните оценки.
– Нема бојкот на германскиот извоз на оружје против Израел – изјави владиниот портпарол во средата, коментирајќи го извештајот.
Минатата година Германија одобри извоз на оружје за Израел во вредност од 326,5 милиони евра, вклучувајќи воена опрема и воено оружје, што е десеткратно зголемување во споредба со 2022 година, покажуваат податоците на Министерството за економија, кое одобрува извозни дозволи.
Но, годинава одобренијата паднаа, а од јануари до 21 август се дадени само 14,5 милиони евра, покажуваат податоците на Министерството за економија како одговор на пратеничко прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Куклите Барби стануваат нова жртва на царинската војна на Трамп

„Па, може децата да имаат две кукли наместо 30“, се намурти американскиот претседател минатата недела. Сега цените навистина растат. Барби е на прагот да стане поскапа – и за тоа можете да му се заблагодарите на американскиот претседател Доналд Трамп, пишува Политико.еу.
Набргу откако Трамп воведе царини на играчките произведени во Кина и на други места, „Мател“ – гигантот за производство на играчки и пронаоѓач на иконската Барби – планира да ги зголеми своите цени во САД, соопшти компанијата.
„Мател“ произведува околу 40 проценти од своите играчки во Кина, на која администрацијата на Трамп им воведе царини од 145 проценти, тврдејќи дека Пекинг се однесува неправедно кон САД во трговијата.
Производителот на играчки соопшти дека ќе премести дел од своето производство надвор од Кина во обид да го диверзифицира својот синџир на снабдување и да ја преброди царинската бура.
Сепак, во незаборавните коментари минатата недела, Трамп ги минимизираше загриженостите дека неговите таканаречени реципрочни царини ќе ги зголемат трошоците за стоки и ќе доведат до недостиг.
„Па, можеби децата ќе имаат две кукли наместо 30 кукли, а можеби двете кукли ќе чинат неколку долари повеќе отколку што би чинеле нормално“, рече тој.
Анкета што беше спроведена минатиот месец меѓу 400 американски компании за играчки од страна на Здружението на играчки покажа дека речиси половина од нив веруваат дека поради царините на Трамп би можеле да банкротираат.
Свет
Фридрих Мерц не ја доби поддршката за нов канцелар на Германија

Конзарвативниот германски лидер на Христијанско-демократската унија (CDU/CSU) Фридрих Мерц не успеа да го обезбеди потребното мнозинство во Бундестагот за да стане германски канцелар во првиот круг од гласањето, задавајќи изненадувачки удар на неговата нова коалиција со социјалдемократите.
69-годишниот Мерц, кој ја предводеше Христијанско-демократската унија до федералната победа во февруари и се договори за коалиција со социјалдемократите (SPD), доби само 310 гласови во долниот дом на парламентот, изјави претседателката на Бундестагот, Јулија Клокнер. Му беа потребни најмалку 316 гласови за да биде избран во првиот круг.
Клокнер ја прекина седницата за да можат парламентарните групи да одржат консултации за следните чекори.
Бундестагот сега има 14 дена да го избере Мерц или друг кандидат за канцелар со апсолутно мнозинство, а нов круг гласање би можел да се одржи уште денес.
Христијанските демократи на Мерц ги добија изборите во февруари со 28,5 проценти од гласовите, но им треба барем еден коалициски партнер за да формираат мнозинска влада.
Вчера тие потпишаа договор за коалиција со социјалдемократите, кои освоија само 16,4 проценти на изборите, што е најслабиот резултат во историјата на партијата од крајот на Втората светска војна.
Регион
Украл автомобил со мало девојче внатре: драма на бензинска пумпа во Србија

Полицијата во Обреновац од синоќа бара „Пунто“ кое еден маж го украл од бензинска пумпа, забрзал и избегал, објави „Телеграф.рс“.
Во моментот на кражбата, во автомобилот имало 12-годишно девојче.
Како што дознава Телеграф.рс, 26-годишна девојка дошла со „пунтото“ на нејзиниот татко на бензинската пумпа во Обреновац. Во еден момент, таа отишла да плати за бензин и ги оставила внуката и клучевите од автомобилот во возилото. Непознат маж го искористил невниманието на девојката, влегол во автомобилот и избегал. Малото девојче кое било во возилото успеало да скокне од него.
Како што дознава Телеграф, детето не било повредено. За случајот беше информирано и обвинителството.
Полицијата се обидува да го идентификува крадецот врз основа на снимка.