Свет
Германија ќе им пружи помош на руските државјани кои се прогонувани во Русија
Германската влада постигна договор за нови поедноставени регулативи за обезбедување азил на руските граѓани кои се прогонувани во нивната татковина.
„ Сè побруталната агресија на Русија против Украина е придружена со сè побрутална внатрешна репресија, која е особено насочена против претставниците на медиумите, опозицијата и групите за човекови права“, изјави германската министерка за внатрешни работи Ненси Фазер.
Затоа Германија мора, посочи таа, да им пружи помош на руските граѓани.
„ Пред се ќе им дадеме можност на новинарите слободно и независно да известуваат од Германија“, рече германската министерка. Таа најави „забрзано и небирократско“ решавање на дозволите за престој за загрозените.
Истовремено, нагласи таа, барателите на политичка заштита ќе бидат подложени на темелна проверка од безбедносните служби.
„ Кремљ се труди максимално да престане да известува за криминалната војна против Украина и затоа е многу важно да се овозможи независно известување кое ќе стигне до граѓаните на Русија“, рече Фезер.
Визи за ранливите новинари и нивните семејства ќе се договорат меѓу МВР, Државниот секретаријат за култура и Министерството за надворешни работи. Досега се издадени 16 визи за новинари и нивните семејства. Оваа постапка се објаснува со хуманитарни причини и „зачувување на политичките интереси на Сојузна Република Германија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.